တိုင်းရင်းသားလက်နက်ကိုင်အဖွဲ့ဝင်များနှင့် PDF အမည်ခံအဖွဲ့ဝင်များအနေဖြင့် နိုင်ငံတော်နှင့် တပ်မတော်၏ ငြိမ်းချမ်းရေးလုပ်ငန်းစဉ်များကို လက်ခံယုံကြည်လာကြသည့်အလျောက် ဥပဒေဘောင်အတွင်းပြန်လည်ဝင်ရောက်လျက်ရှိရာ ဇူလိုင် ၂၉ ရက်တွင်လည်း လက်နက်ကိုင် အဖွဲ့ဝင် ၂၁ ဦးတို့ ထပ်မံအလင်းဝင်ရောက်လာသဖြင့် စုစုပေါင်းအလင်းဝင်လာသူ ၁၂၀ နီးပါးရှိလာကြောင်း သိရသည်။
ယနေ့ အလင်းဝင်လာသူများထဲတွင် DPLA အဖွဲ့မှ အမျိုးသား ၄ ဦး၊ အမျိုးသမီး ၂ ဦး၊ MDY – PDF အဖွဲ့မှ အမျိုးသား ၇ ဦးနှင့် အမျိုးသမီး ၂ ဦး၊ ရွာငံ PDF အဖွဲ့မှ အမျိုးသား ၃ ဦးနှင့် အမျိုးသမီး ၃ ဦးတို့ပါဝင်သည်ဟု သိရပြီး ၎င်းတို့နှင့်အတူ Zoraki အမျိုးအစား ပစ္စတိုသေနတ် ၁ လက်လည်း ပါဝင်ခဲ့သည်ဟုဆိုသည်။
အဆိုပါ တိုင်းရင်းသားလက်နက်ကိုင်အဖွဲ့များနှင့် PDF အမည်ခံအဖွဲ့ဝင်များအနေဖြင့် ဥပဒေဘောင်အတွင်း ဝင်ရောက်လာမှုမှာ ဇူလိုင်လ ၁၇ ရက်မှ ယနေ့ ၂၉ ရက်အထိ TNLAအဖွဲ့ဝင် ၄ ဦး ၊ MDY-PDF အဖွဲ့မှ ၆၁ ဦး၊ DPLA အဖွဲ့မှ ၄၇ ဦးနှင့်၊ ရွာငံ PDF အဖွဲ့မှ ၆ ဦး၊ စုစုပေါင်း (၁၁၈) ဦးအထိ ရှိလာပြီဖြစ်သလို ၎င်းတို့ထံမှ လက်နက်မျိုးစုံ ၁၄ လက်နှင့် ကျည်မျိုးစုံ ၁၅၁၅ တောင့် ကျည်အိမ် ၁၂ ခုတို့ကိုလည်း လက်ခံရရှိထားသည်။
