ကျိုင်းတုံမြို့တွင် ခေမာရဋ်ရွှေဆိုင်ပိုင်ရှင်ရွှေဆိုင်ပိုင်ရှင် သေနတ်ပစ်ခံရပြီး သေဆုံးကာ ​ရွှေများလုယက်ယူ​ဆောင်သွား

ရှမ်းပြည်နယ်အရှေ့ပိုင်း၊ ကျိုင်းတုံမြို့တွင် မေ ၁၃ ရက် မွန်းလွဲပိုင်းက သေနတ်ဖြင့် ပစ်ခတ်လုယက်မှုဖြစ်ပွားခေမာရဋ်ရွှေဆိုင်ပိုင်ရှင်ရွှေဆိုင်ပိုင်ရှင် သေနတ်ပစ်ခံရပြီး သေဆုံးကာ ​​ရွှေများလုယက်ယူ​ဆောင်သွားကြောင်း သိရသည်။

မေ ၁၃ ရက်၊ မွန်းလွဲ ၁ နာရီခွဲခန့်က ၊ ကျိုင်းတုံမြို့၊ ရပ်ကွက် (၃)၊ ကျိုင်းငမ်းဝပ်အင်းလမ်းရှိ ခေမာရဋ်ရွှေဆိုင်ပိုင်ရှင် ဦးစိုင်းယီတစ်၏ နေအိမ်ရှေ့တွင် ဦးစိုင်းယီတစ် အပါအဝင်သုံးဦးသည် ဈေးမှဆိုင်သိမ်းပြီး ​မော်​တော်ယာယာဉ်ဖြင့် အိမ်သို့ ပြန်လာစဉ် လုယက်ခံရခြင်းဖြစ်ကြောင်း ဒေသခံတစ်ဦးထံမှ သိရသည်။

ရွှေဆိုင်ပိုင်ရှင်ဖြစ်သော ဦးစိုင်းယီတစ်သည် ၎င်း၏အိမ်ရှေ့သို့ ရောက်ရှိချိန်တွင် အခြား​​​မော်​တော်ယာယာဉ်တစ်စီးဖြင့် ​ရောက်ရှိလာသော လက်နက်ကိုင်ဆောင်ထားသည့် လူ ၃ ဦးက သေနတ်ဖြင့် (၂) ချက် ပစ်ခတ်ခဲ့ကာ၊ ယာဉ်ပေါ်ပါလာသည့် ရွှေများနှင့် မော်တော်ယာဉ်ကိုပါ လုယက်ယူဆောင်ကာ ထွက်ပြေးသွားခဲ့ ခြင်း ဖြစ်ကြောင်း သိရသည်။

​သေနတ်သမားများက ဦးစိုင်းယီတစ်ထံမှ လုယက်ယူ​ဆောင်သွားသည့် ​ရွှေများမှာ သုံးပိဿာဟုလည်း​ကောင်း၊ ပိဿာ ၃၀ ခန့် ဟုလည်း​ကောင်း သတင်းအမျိုးမျိုးထွက်​ပေါ်​နေပြီး Eleven Media အ​နေဖြင့် သီးခြားအတည်ပြုနိုင်ခြင်းမရှိ​သေး​​ပေ။

သေနတ်ဖြင့် ပစ်ခတ်ခံရမှုကြောင့် ရွှေဆိုင်ပိုင်ရှင် ဦးစိုင်းယီတစ်တွင် သေနတ်ဒဏ်ရာ ၂ ချက် ရရှိခဲ့ပြီး ဆေးရုံတွင် သေဆုံးသွားကြောင်း သိရသည်။

အဆိုပါ ဖြစ်စဉ်နေရာသို့ နှလုံးလှပိုင်ရှင်များ အသင်းမှ လာရောက် ကူညီဆောင်ရွက်ကာ ကျိုင်းတုံ ဆေးရုံ သို့ ပို့ဆောင်ပေးခဲ့ကြောင်း သိရသည်။

ကျိုင်းတုံတွင် ခိုးဆိုးလုယက်မှုများ မကြာခန ဖြစ်ပွားလေ့ ရှိသဖြင့် ဒေသခံ များ စိုးရိမ် ထိတ်လန့် နေရကြောင်း သိရသည်။