စက်တင်ဘာလ ၁၈ ရက်နေ့မှုခင်းသတင်းများ

-စက်တင်ဘာလ ၁၇ ရက် ၁၂၃၀ နာရီတွင် ဆင်ပေါင်ဝဲမြို့နယ်၊ မှန်ကင်းကျေးရွာနေ ဒေါ်ဖြူမ(၄၅)နှစ်သည် နေအိမ်၌ ရှိနေစဉ် လက်နက်ငယ်များ ကိုင်ဆောင်ထားသော အကြမ်းဖက်အဖွဲ့ဝင် ၈ ဦးမှ ဆိုင်ကယ် ၃ စီးဖြင့် ရောက်ရှိလာပြီး  သတ်ဖြတ်သွားခဲ့ရာ ဒေါ်ဖြူမတွင် ကျည်ဖောက်ဝင်ဒဏ်ရာများဖြင့် သေဆုံးခဲ့ကြောင်းသိရှိရ။

-စက်တင်ဘာလ ၁၇ ရက် ၁၃၁၅ နာရီတွင် သာပေါင်းမြို့နယ်၊ ဆောင်ဘုံကျေးရွာနေ ဦးအေးကျော်၏ နေအိမ်ခြံဝန်းအတွင်း၌ Keypad ဖုန်း၊ သံပိုက်တို့ဖြင့် ချိတ်ဆက်ပြုလုပ်ထားသည့် လက်လုပ်မိုင်း ၁ လုံးအား တွေ့ရှိခဲ့သဖြင့် သက်မဲ့ပြုလုပ်ရှင်းလင်းခဲ့ကြောင်း သိရှိရ။

-စက်တင်ဘာလ ၁၇ ရက် ၀၇၀၀ နာရီတွင် ပေါက်မြို့နယ်၊ ချောင်းကူးကျေးရွာအတွင်းသို့ PDF အကြမ်းဖက်အဖွဲ့သည် ကျွန်းတိုင်း ကျေးရွာဘက်မှ လက်လုပ်စိန်ပြောင်းဖြင့် ၃ ချက် ပစ်ခတ်ခဲ့ရာ ဗုံးသီးများမှာ ဦးဇော်ကိုလတ်(၃၃)နှစ်၏ နေအိမ်ပေါ်၌ ၁ လုံး ကျရောက် ပေါက်ကွဲခဲ့သဖြင့် ဦးဇော်ကိုလတ်တွင် လည်ပင်း ဗုံးစ ဖောက်ဝင်ဒဏ်ရာဖြင့် သေဆုံးခဲ့ကြောင်း သိရှိရပ။