အိပ်ချိန်နောက်ကျပြီး ညဉ့်နက်မှအိပ်စက်သည့် အလေ့အထရှိသူများသည် ပုံမှန်စောစော အိပ် စက်သူများထက် ကိုယ်အလေးချိန်ကို ပိုမိုတိုးလာစေနိုင်ကြောင်း သုတေသနအသစ်တစ်ခု၌ ဖော်ပြထားသည်။
ကျန်းမာရေးနှင့် လေ့ကျင့်ခန်းဆိုင်ရာ သုတေသနပညာရှင်များက လူပေါင်းများစွာ၏ အိပ်စက်မှုပုံစံနှင့် ခန္ဓာကိုယ်အဆီပမာဏပြောင်းလဲမှုများကို လေ့ လာဆန်းစစ်မှုများလုပ်ဆောင်ရာ ညဉ့်နက်မှ အိပ်စက်လေ့ရှိသူများတွင် ခန္ဓာကိုယ်အဆီစုပုံမှု ပိုမိုမြင့်မားသည်ကိုတွေ့ရှိခဲ့ရသည်။
အထူးသဖြင့် ညဉ့်နက်မှအိပ်ခြင်းသည် ခန္ဓာကိုယ်၏ ဇီဝရုပ်ဖြစ်ပျက်မှုစနစ်ကို ထိခိုက်စေပြီး အဆာပြေစာနှင့် သရေစာများကို ပိုမိုစားသုံးမိစေရန် တွန်း အားပေးနေခြင်းဖြစ်သည်။ အိပ်ချိန်မမှန်ခြင်း သို့မဟုတ် ညဉ့်နက်မှအိပ်စက်ခြင်းကြောင့် ခန္ဓာကိုယ်အတွင်းရှိ အဆာပြေလိုစိတ်ကိုထိန်းချုပ်ပေးသောဟော်မုန်း များ ကစဉ့်ကလျားဖြစ်သွားရသည်။ ထို့ပြင် အိပ်ရေးပျက်ခြင်းက အင်ဆူလင်ဓာတ်တုံ့ပြန်ပုံကို လျော့ကျစေသဖြင့် ခန္ဓာကိုယ်ကအဆီများကို ပိုမိုစုဆောင်းမိစေ သည်။
ထို့ကြောင့် ကိုယ်အလေးချိန်ကိုလျှော့ချလိုသူများ သို့မဟုတ် ကျန်းမာရေးကိုထိန်းသိမ်းလိုသူများအနေဖြင့် အစားအသောက်လျှော့စားရုံ၊ လေ့ကျင့် ခန်း လုပ်ရုံဖြင့်လုံလောက်ခြင်းမရှိဘဲ ညတိုင်းပုံမှန် အိပ်ချိန်သတ်မှတ်၍ စောစောအိပ်စက်လေ့ရှိသည့်အလေ့အထကိုပြုလုပ်ရန် ကျန်းမာရေးပညာရှင်များက အကြံ ပြုထားသည်။
