အမေရိကန်သမ္မတ ဒေါ်နယ်ထရန့်က ဟော်မုဇ်ရေလက်ကြားတွင် ပိတ်မိနေသော သင်္ဘောများကို ကူညီထုတ်ဆောင်ပေးမည်ဟု ကတိပြုပြီးနောက် အမေရိကန်တပ်ဖွဲ့များက အီရန်၏ သင်္ဘောခုနစ်စင်းကို တိုက်ခိုက်ဖျက်ဆီးခဲ့ကြောင်း ဘီဘီစီသတင်းတွင်ဖော်ပြခဲ့သည်။
အီရန်နိုင်ငံခြားရေးဝန်ကြီး အာဘတ်စ် အာရက်ချီကမူ နိုင်ငံရေးအကျပ်အတည်းတစ်ခုအတွက် စစ်ရေးအရ အဖြေမရှိကြောင်း ပြောကြားခဲ့သည်။
တစ်ချိန်တည်းမှာပင် အီရန်စစ်တပ်က အမေရိကန်စစ်သင်္ဘောများကို သတိပေးပစ်ခတ်မှုများ ပြုလုပ်ခဲ့ကြောင်း ၎င်းကဆိုသည်။
အီရန်နိုင်ငံပိုင်မီဒီယာများက အီရန်ဒုံးကျည်များသည် အမေရိကန် ဖျက်သင်္ဘောတစ်စင်းကို ထိမှန်ခဲ့သည်ဟု ဖော်ပြခဲ့သော်လည်း အမေရိကန် ဗဟိုစစ်ဌာနချုပ် (CENTCOM) က ထိုသတင်းကို ငြင်းဆိုထားသည်။
တစ်ချိန်တည်းမှာပင် ယူအေအီးနိုင်ငံက အီရန်နိုင်ငံဘက်မှ လာသော ဒုံးကျည်နှင့် ဒရုန်းတိုက်ခိုက်မှုများကို မိမိကိုယ်ကိုယ် ကာကွယ်သည့်အနေဖြင့် တုံ့ပြန်နေကြောင်း ပြောကြားခဲ့သော်လည်း အီရန်အစိုးရဘက်မှ တရားဝင် တုံ့ပြန်ခြင်း မရှိသေးပေ။
ဒရုန်းဖြင့် တိုက်ခိုက်ခံရမှုကြောင့် ယူအေအီးနိုင်ငံ၏ အကြီးဆုံး ရေနံဆိပ်ကမ်းတွင် မီးလောင်မှုအကြီးအကျယ် ဖြစ်ပွားခဲ့ကြောင်း တာဝန်ရှိသူများက ပြောကြားခဲ့သည်။
