မြစ်ကြီးနားမြို့ တွင် ဧရာဝတီမြစ်ရေသည် ယနေ့ ဩဂုတ်လ (၂၁)ရက် ၊ နံနက်ပိုင်းတွင် (၁)ခွဲခန့် ပြန်တက်လာကြောင်း မြစ်ကြီးနားမြို့ မိုးလေဝသဦးစီဌာန တာဝန်ရှိသူတစ်ဦးက ပြောသည်။
မြစ်ကြီးနားမြို့ ဧရာဝတီမြစ်ရေသည် ယမန်နေ့ ဩဂုတ်လ (၂၀)ရက် ညနေ(၆)နာရီခွဲအချိန်မှ ယနေ့ ဩဂုတ်လ(၂၁)ရက်နံနက် (၆)နာရီခွဲအချိန်အထိ (၁၂)နာရီအတွင်း (၁) ပေခွဲမြင့်တက်လာခြင်းဖြစ်သည်ဟုဆိုသည်။
မြစ်ကြီးနား မြစ်ရေသည် စိုးရိမ်ရေမှတ် ၁,၂၀၀စင်တီမီတာသတ်မှတ်ထားရာ လက်ရှိချိန်အထိ (၂၂ ) ပေခန့်အလိုတွင်ရောက်ရှိနေပြီး မြစ်ရေအတက်အကျ ပုံမှန်အနေအထားခန့်မည်ရှိမည်ဖြစ်ကာ ထူးကဲမြစ်ရေကြီးနိုင်သည့် အခြေအနေ မတွေ့ ရှိရကြောင်း ဆိုသည်။
ဧရာဝတီမြစ် အထက်ပိုင်းတွင် မိုးရွာသွန်းမှုအသင့်တင့်ရှိနေပြီး နေရာကွက်၍ မိုးသည်းထန်စွာရွာသွန်းခြင်းများကြောင့် မြစ်ကြီးနားမြစ်ရေ ကျဆင်းနေရာမှ ပြန်တက်လာခြင်းအကြိမ်ကြိမ် ဖြစ်ပေါ်နေမည်ဖြစ်ကြောင်း သိရသည်။
