နိုင်ငံရေးခံစားချက်ထက် နိုင်ငံ့အကျိုးစီးပွားကို ဦးစားပေးကြပါစို့

ICJ မှာ မြန်မာနိုင်ငံ ရင်ဆိုင်နေရတဲ့အမှုဟာ အစိုးရတစ်ရပ်တည်းနဲ့ သက်ဆိုင်တဲ့ကိစ္စမဟုတ်ပါဘူး။ နိုင်ငံတော်ရဲ့ ဂုဏ်သိက္ခာ၊ နိုင်ငံတကာအဆင့်အတန်းနဲ့ နောင်လာမယ့် မျိုးဆက်တွေရဲ့ အနာဂတ်အထိ သက်ရောက်နိုင်တဲ့ အရေးကြီးတဲ့ အမျိုးသားရေးကိစ္စဖြစ်ပါတယ်။
–
ICJ ဟာ နိုင်ငံတစ်နိုင်ငံရဲ့ နိုင်ငံတကာဥပဒေအရ တာဝန်ယူမှုကို ဆုံးဖြတ်တဲ့ တရားရုံးဖြစ်ပြီး ICC လို လူပုဂ္ဂိုလ်တစ်ဦးချင်းရဲ့ ရာဇဝတ်မှုကို ဆုံးဖြတ်တဲ့ တရားရုံးမဟုတ်ပါဘူး။ ဒါကြောင့် ဒီအမှုကို နိုင်ငံရေးအမြင်နဲ့သာ ချဉ်းကပ်လိုမရပါဘူး။
–
မိမိမနှစ်သက်တဲ့ အစိုးရဖြစ်နေလို နိုင်ငံအပေါ် ပြင်းထန်တဲ့ စီရင်ချက်ထွက်ပေါ်လာဖို လိုလားနေခြင်းဟာ နိုင်ငံရေးခံစားချက်ကို နိုင်ငံ့အကျိုးစီးပွားထက် ဦးစားပေးလိုက်ခြင်းပဲ ဖြစ်ပါတယ်။ အစိုးရတွေ ပြောင်းလဲနိုင်ပေမဲ့ နိုင်ငံတော်ရဲ့ ဂုဏ်သိက္ခာနဲ့ နိုင်ငံသားတွေရဲ့ အနာဂတ်ကတော့ မျိုးဆက်အဆက်ဆက် ဆက်လက်တည်ရှိနေမှာပါ။
–
အကယ်၍ မြန်မာနိုင်ငံအပေါ် ပြင်းထန်တဲ့ ဆုံးဖြတ်ချက်မျိုး ထွက်ပေါ်လာခဲ့ရင် နိုင်ငံတကာဆက်ဆံရေး၊ သံတမန်ရေးနဲ့ နိုင်ငံသားတွေရဲ့ လူမှုစီးပွားဘဝအပေါ် နောက်ဆက်တွဲသက်ရောက်မှုတွေ ရှိလာနိုင်ပါတယ်။ အထူးသဖြင့် ပြည်ပနိုင်ငံတွေမှာ အလုပ်လုပ်ကိုင်နေကြတဲ့ မြန်မာနိုင်ငံသားတွေရဲ့ အခြေအနေကိုလည်း ထည့်သွင်းစဉ်းစားဖို လိုအပ်ပါတယ်။
–
ဒါကြောင့် အစိမ်း၊ အနီဆိုတဲ့ နိုင်ငံရေးကွဲပြားမှုတွေထက် နိုင်ငံ့အကျိုးစီးပွားကို ရှေ့တန်းတင်ဖို လိုပါတယ်။ နိုင်ငံရေးအမြင် မတူနိုင်ပေမဲ့ ကိုယ့်နိုင်ငံရဲ့ ဂုဏ်သိက္ခာနဲ့ အနာဂတ်အပေါ်မှာတော့ တာဝန်သိစိတ်ရှိကြဖို လိုပါတယ်။
–
ICJ ရဲ့ စီရင်ချက် ဘယ်လိုပဲထွက်ပေါ်လာပါစေ၊ ဥပဒေကြောင်းအရ မှန်ကန်စွာ သုံးသပ်ပြီး နိုင်ငံတော်နဲ့ နိုင်ငံသားတွေရဲ့ ရေရှည်အကျိုးစီးပွားကို ကာကွယ်နိုင်မယ့် နည်းလမ်းတွေကို အတူတကွ ရှာဖွေကြရမှာ ဖြစ်ပါတယ်။
–
🔴အစိုးရဆိုတာ အချိန်ကာလတစ်ခုအတွက်သာ ဖြစ်ပေမယ့် နိုင်ငံတော်ဆိုတာ မျိုးဆက်အဆက်ဆက် ထိန်းသိမ်းသွားရမယ့် အမွေအနှစ်ဖြစ်ပါတယ်။ နိုင်ငံရေးအမြင် ကွဲပြားနိုင်ပေမယ့် နိုင်ငံ့အကျိုးစီးပွားအတွက်တော့ စည်းလုံးညီညွတ်ကြပါစို။🔴

Leave a Reply

Your email address will not be published. Required fields are marked *