မြန်မာနိုင်ငံအရပ်ရပ်တွင် မေလအတွင်း မိုးကြိုကာလ လေထုမငြိမ်မသက်မှုများကြောင့် လေပြင်းတိုက်ခတ်ခြင်းနှင့် မိုးသီးကြွေခြင်းများ ဖြစ်ပေါ်နိုင်ကြောင်း မိုးလေဝသနှင့် ဇလဗေဒညွှန်ကြားမှုဦး စီးဌာနမှ ယနေ့ မေလ (၁) ရက်တွင် အထူးသတိပေးချက် ထုတ်ပြန်လိုက်သည်။
ယခုမေလမှစ၍ အနောက်တောင်မုတ် သုံလေ မဝင်ရောက်မီကာလအတွင်း နေ့အပူချိန်များ မြင့်တက်လာရာမှ အပူပျံတက်တိမ် (Cumulonimbus Cloud) များဖြစ် ထွန်းလာနိုင်ကြောင်း သိရသည်။
ထိုသို့ ဖြစ်ထွန်းမှုကြောင့် မွန်းလွဲပိုင်းနှင့် ညနေပိုင်းတို့တွင်မြေပြင်နှင့် ရေပြင်တွင် တစ်နာရီလျှင် မိုင် (၄၀) မှ (၅၀) အထိ လေပြင်းတို-က်ခတ်နိုင်ခြင်း၊ ထစ်ချုန်းမိုးရွာခြင်းနှင့်အတူ မိုးကြိုးပ-စ်ခြင်း၊ လျှပ်စီးလက်ခြင်း၊ နေရာကွက်ကျား မိုးသီးကြွေနိုင်ခြင်းတို့ဖြစ်ပွားနိုင်ကြောင်း အသိပေးထားသည်။
လေပြင်းတို-က်ခတ်မှုကြောင့် ဖြစ်ပေါ်လာနိုင်သည့် အန္တရာယ်များကို ကြိုတင်ကာကွယ်နိုင်ရန်အတွက် ပြည်တွင်းလေ ကြောင်းပျံသန်းရေးနှင့် ရေကြောင်းခရီးစဉ်များအနေဖြင့် အထူးသတိပြုရန် နှိုးဆော်ထားသည်။
ယခုရက်ပိုင်းအတွင်း နေပူရှိန်ပြင်းထန်ရာမှ ရုတ်တရက် လေပြင်းတို-က်ခတ်မှုများ ဖြစ်ပေါ်တတ်သဖြင့် ခိုင်ခံ့မှုမရှိသော သစ်ပင်များ၊ ဆိုင်းဘုတ်များအနီး နေထိုင်ခြင်းမှ ရှောင်ကြဉ်ကြရန်လည်း တိုက်တွန်းထားသည်။
