Is World War III COMING?
ရုရှားသမ္မတ ဗလာဒီမာပူတင်ဟာ နျူကလီးယားတိုက်ခိုက်မှုဆိုင်ရာ စည်းမျဉ်းများကို ပြင်ဆင်မှုပြုလုပ်ပြီးနောက် ပထမဆုံးသော တိုက်ချင်းပစ်ဒုံးပျံတိုက်ခိုက်မှုကို မနေ့ညက ပြုလုပ်ခဲ့ပါတယ်။
Intermediate Range Ballistic Missile အဆင့်ရှိတဲ့ ဒုံးပျံနဲ့ ယူကရိန်းကိုတိုက်ခိုက်ခဲ့ပြီးတဲ့နောက်မှာ NATO အုပ်စုဝင် ဥရောပနိုင်ငံတွေအနေနဲ့ တတိယကမ္ဘာစစ်ကြီးကို ပိုမိုနီးကပ်လာပြီလို့စိုးရိမ်ပူပန်မှုတွေရှိလာပြီပဲဖြစ်ပါတယ်။
အမေရိကန်သမ္မတ ဂျိုးဘိုင်ဒန်အနေနဲ့ ယူကရိန်းစစ်တပ်ကို သူတို့ထောက်ပံ့ထားတဲ့ တာဝေးပစ်ဒုံးပျံတွေနဲ့ ရုရှားနယ်နမိတ်အတွင်းပိုင်းထဲကို ပစ်ခတ်ဖို့ သဘောတူပြီးနောက်ပိုင်း ရုရှားသမ္မတကလည်း အဲ့ဒီလို ပစ်မယ်ဆို နျူကလီးယားလက်နက်ကို သုံးသင့်သုံးရမယ်ဆိုပြီး စည်းမျဉ်းတွေ ပြင်ဆင်ရေးဆွဲခဲ့တာပါ။
ယူကရိန်းဘက်က ပထမဆုံး အသုံးပြုပြီးနောက်မှာတော့ ရုရှားဘက်ကလည်း နျူကလီးယားထိပ်ဖူးမပါဝင်တဲ့ IRBM ဒုံးပျံကို ပစ်ခတ်တုံ့ပြန်လိုက်ပြီဖြစ်ပါတယ်။ ဒါကြောင့် တတိိယကမ္ဘာစစ်ဖြစ်ဖို့ ခြေလှမ်းတစ်ခု တိုးလာတာပဲလို့ ကျွမ်းကျင်သူတွေက သုံးသပ်ထားကြပါတယ်။
ဒီဖြစ်ရပ်ကြောင့်အမေရိကန် ဂရိ ပြင်သစ် စတဲ့ နိုင်ငံတွေဟာ ယူကရိန်းမှာ ရှိနေတဲ့ သူတို့ရဲ့ သံရုံးဝန်ထမ်းတွေကို ပြန်လည်ခေါ်ဆောင်မှုတွေပြုလုပ်နေသလို တခြား ဥရောပနိုင်ငံတွေကလည်း စစ်အတွက်
ကြိုတင်ပြင်ဆင်မှုတွေပြုလုပ်ထားပြီပဲဖြစ်ပါတယ်။
အထူးသဖြင့် ရုရှားနဲ့ နီးကပ်ပြီး ယူကရိန်းကို ထောက်ပံ့မှုတွေအများဆုံးလုပ်နေတဲ့ ဂျာမနီဟာ သူ့နိုင်ငံသားတွေကို တတိယကမ္ဘာစစ်အတွက် ပြင်ဆင်မှုတွေလုပ်ထားဖို့ ကြိုတင်အသိပေးထားပြီးပြီလည်း ဖြစ်ပါတယ်။ ဒါ့အပြင် ဘော်လ်တစ်ဒေသနိုင်ငံတွေဖြစ်တဲ့ ဆွီဒင် ဖင်လန် နော်ဝေ တို့ဟာလည်း နိုင်ငံသားတွေကို တတိယကမ္ဘာစစ်အတွက် ပြင်ထားဖို့ ၊ အစာရေစာ ရိက္ခာနဲ့ လိုအပ်တာတွေ ပြင်ဆင်ထားဖို့အတွက် ကြိုတင် အကြောင်းကြားတာမျိုးတွေ ပြုလုပ်လျှက်ရှိပါတယ်။
Aung Shinn
