ပြီးခဲ့တဲ့ မေလအတွင်း မြန်မာနိုင်ငံမှာဖြစ်ပွားခဲ့တဲ့ ဆိုင်ကလုန်းမုန်တိုင်း မိုခါရဲ့ ရိုက်ခတ်မှုကြောင့် ပျက်စီးဆုံးရှုံးမှုတန်ဖိုး အမေရိကန်ဒေါ်လာ ၂.၂၄ ဘီလီယံ ထိခိုက်ဆုံးရှုံးခဲ့တယ်လို့ ကမ္ဘာ့ဘဏ် ရဲ့ထုတ်ပြန်မှုအရသိရပါတယ်။
မြန်မာတစ်နိုင်ငံလုံးနဲ့နှိုင်းယှဉ်ပါက ရခိုင်ပြည်နယ်မှာတော့ မိုချာကြောင့် ပျက်စီးဆုံးရှုံးမှု အများဆုံးဖြစ်ပွားခဲ့ကြောင်း ဖော်ပြထားပြီး ရာခိုင်နှုန်းအားဖြင့် စုစုပေါင်းပျက်စီးထိခိုက်မှုရဲ့ ၇၀ ရာခိုင်နှုန်းကျော်ရှိတယ်လို့ ဆိုပါတယ်။
ရခိုင်ဒေသက ခရိုင် ၇ ခုနဲ့ မြို့နယ် ၁၇ မြို့နယ်မှာ လူဦးရေ ၁ ဒသမ ၂ သန်းခန့် ထိခိုက်ခဲ့ပြီး ရခိုင်ပြည်နယ်တစ်ဝှမ်းရှိ ပြည်တွင်းနေရပ်စွန့်ခွာတိမ်းရှောင်သူတွေရဲ့ IDP စခန်းတွေလည်း မုန်တိုင်းဒဏ်ကြောင့် ပျက်စီးဆုံးရှုံးခဲ့ကာ လူအများအပြားလည်း သေဆုံးခဲ့တယ်လို့ ဖော်ပြထားပါတယ်။
(မြန်မာ့ပလက်ဖောင်း)
