ရခိုင်ပြည်နယ် မောင်တောမြို့နယ် ကြိမ်ချောင်းကျေးရွာရှိ နယ်မြေခံရဲစခန်းအား နိုဝင်ဘာလ ၁၆ ရက်တွင် AA အဖွဲ့မှ အင်အား ၂၀ ဦးခန့်က လက်နက်ကြီး၊ လက်နက်ငယ်များဖြင့် လာရောက်ပစ်ခတ်တိုက်ခိုက်ခဲ့ပါတယ်။
AA အဖွဲ့၏ ဆင်ခြင်တုံ တရားကင်းမဲ့စွာ ပစ်ခတ်မှုကြောင့် လောင်းဒုံ(မြို) ကျေးရွာအတွင်းသို့ ၆၀ မမ ဗုံးသီး ၃ လုံး ကျရောက်ပေါက်ကွဲခဲ့ပြီး အသက် ၅ နှစ်အရွယ် ကလေးငယ် ၁ ဦး၊ အသက် ၆ နှစ်အရွယ် ကလေးငယ် ၁ ဦး အပါအဝင် အမျိုးသား ၉ ဦး၊ အမျိုးသမီး ၁ ဦး စုစုပေါင်း ၁၀ ဦး သေဆုံးခဲ့ပြီး အမျိုးသား ၂၁ ဦး၊ အမျိုးသမီး ၃ ဦး စုစုပေါင်း ၂၄ ဦး ထိခိုက်ဒဏ်ရာ ရရှိခဲ့ပါတယ်။
ထိခိုက်ဒဏ်ရာရသူများကို မောင်တောမြို့ ပြည်သူ့ဆေးရုံသို့ သွားရောက်ကုသနိုင်ရေးအတွက် တာဝန်ရှိသူများက ဆောင်ရွက်ပေးခဲ့ပြီး ထောက်ပံ့ငွေများ၊ ဆန်၊ ဆီနှင့် စားသောက်ဖွယ်ရာများ ပေးအပ်ခဲ့တယ်လို့ သိရှိရပါတယ်။
