ညဘက်အမြင်အာရုံကို တဖြည်းဖြည်း ဆုံးရှုံးစေနိုင်တဲ့ မျိုးရိုးဗီဇဆိုင်ရာ မျက်စိရောဂါတစ်မျိုးကို သုတေသီတွေကတွေ့ရှိခဲ့ပါတယ်။ အဲဒီရောဂါဟာ EFEMP1 လို့ခေါ်တဲ့ မျိုးရိုးဗီဇမှာဖြစ်ပေါ်တဲ့ပြောင်းလဲမှုတစ်မျိုးကြောင့် ဖြစ်ပွားတာပါ။ ရောဂါရှိသူတွေဟာ ဘဝတစ်လျှောက်လုံးအချိန်တစ်ခုကြာတဲ့အထိ ပုံမှန်အတိုင်းမြင်နိုင်ပေမယ့် အသက်ကြီးလာတဲ့အခါ ဘေးဘက်အမြင်အာရုံတဖြည်းဖြည်းကျဆင်းလာပြီး ညနေခင်းနဲ့ ညဘက်တွေမှာ မြင်ရခက်လာနိုင်ပါတယ်။
သုတေသီတွေက ဒီရောဂါကို EFEMP1 ဆက်စပ်အသက်အရွယ်နောက်ပိုင်း မြင်လွှာယိုယွင်းမှု (L-ORD) လို့ ယာယီအမည်ပေးထားပါတယ်။ ရောဂါဖြစ်ပေါ်စေတဲ့ p.Arg-140Trp မျိုးရိုးဗီဇပြောင်းလဲမှုကြောင့်မျက်စိအတွင်း ကလာပ်စည်းတွေကြားမှာ ပုံမှန်မဟုတ်တဲ့ ပစ္စည်းတွေ၏စုပုံလာတာကိုတွေ့ရှိခဲ့ပါတယ်။ ဒီရောဂါကို စောစီးစွာသိရှိနိုင်ဖို့ အဓိကအချက်က အလင်းရောင်ရှိတဲ့နေရာကနေ အမှောင်ထဲဝင်လိုက်တဲ့အခါ အမြင်အာရုံ ပြန်ကောင်းလာဖို့ ကြာချိန်ကိုစစ်ဆေးခြင်းဖြစ်ပါတယ်။ အမှောင်ထဲမှာ မြင်နိုင်ဖို့အရေးပါတဲ့ rod photoreceptor ကလာပ်စည်းတွေရဲ့ လုပ်ဆောင်မှုကိုအခုလိုမျိုးနည်းနဲ့တိုင်းတာနိုင်ပါတယ်။ မျက်စိရဲ့ဖွဲ့စည်းပုံမှာ ပုံမှန်အတိုင်းရှိနေတယ်ဆိုရင်တောင် ကလာပ်စည်းတွေရဲ့ လုပ်ဆောင်မှုပုံမှန်မဟုတ်တာကို စစ်ဆေးတွေ့ရှိနိုင်တဲ့အတွက် အမြင်အာရုံကလာပ်စည်းတွေမပျက်စီးခင် ရောဂါကိုသိရှိနိုင်မယ့် အခွင့်အလမ်းရလာတာပါ။ Ref: STDကိုထက်

