တီမောလက်စ်တေနိုင်ငံသမ္မတ၏ပြောကြားချက်များ သည် မြန်မာ-တီမောလက်စ်တေ နှစ်နိုင်ငံဆက်ဆံရေးနှင့် အာဆီယံမိသားစုစိတ်ဓာတ်ကိုထိခိုက်ပျက်စီးစေ   မြန်မာနိုင်ငံ၏ တည်ငြိမ်အေးချမ်းမှုရှိသော မြေပြင်အခြေအနေမှန်များကို မည်သူမဆိုကိုယ်တိုင်လာရောက်ကြည့်ရှုရန်ဖိတ်ခေါ်

တီမောလက်စ်တေနိုင်ငံသမ္မတ မစ္စတာ ဟိုဆေး ရာမို့စ် ဟော်တာ က မေ ၃၀ ရက်က စင်ကာပူမြို့တွင်ကျင်းပခဲ့သော ရှန်ဂရီလာဆွေးနွေးပွဲနှင့် ဇွန် ၂ ရက်က ဂျကာတာမြို့တွင်ကျင်းပခဲ့သည့် အာဆီယံနှင့် အရှေ့အာရှစီးပွား ရေးသုတေသန(ERIA)အစည်းအဝေးတို့၌ မြန်မာနိုင်ငံ ၏ လက်ရှိအခြေအနေများနှင့်ပတ်သက်၍အထင်အ မြင်လွဲမှားစေသည့် ပြောကြားချက်များကိုပြောဆိုခဲ့သည်။

ထိုသို့ မြန်မာနိုင်ငံ၏ပုံရိပ်ကိုထိခိုက်စေသည့် မှားယွင်းစွာပုံဖော်ပြောဆိုမှုများသည် မြန်မာ-တီမောလက်စ်တေ နှစ်နိုင်ငံ ဆက်ဆံရေးကို ဆိုးရွားစွာထိခိုက်စေပြီး အာဆီယံမိသားစုစိတ်ဓာတ်ကိုလည်း ထိခိုက်ပျက်စီးစေ သည်ဟု နိုင်ငံခြားရေးဝန်ကြီးဌာနက သတိပေးခဲ့သည်။

အဆိုပါပြောကြားမှုများသည် မြန်မာနိုင်ငံ၏ ပြည်တွင်းရေးရာများအပေါ် ဝင်ရောက်စွက်ဖက်ခြင်းဖြစ်ပြီး အာဆီယံပဋိညာဉ်ပါ အခြေခံမူများ၊ အထူးသဖြင့် အာဆီယံအဖွဲ့ဝင်နိုင်ငံများ၏ ပြည်တွင်းရေးဝင်ရောက်မစွက်ဖက်ရေး၊ အချုပ်အခြာအာဏာနှင့် နယ်မြေတည် တံ့ခိုင်မြဲရေးတို့ကို လေးစားလိုက်နာမှုမရှိဘဲ ဆန့်ကျင်ဆောင်ရွက်နေခြင်းဖြစ်သည်ဟုလည်း သတိပေးခဲ့သည်။

ထို့ကြောင့် မြန်မာနိုင်ငံအနေဖြင့် တီမောလက်စ်တေသ မ္မတ၏ နိုင်ငံတကာဖိုရမ်များကို လွဲမှားစွာအသုံးချ၍ မြန်မာနိုင်ငံ၏ ပြည်တွင်းရေးရာများအပေါ် မှားယွင်းစွာပြောကြားနေမှုများကို လေးနက်စွာပယ်ချပြီး တီမောလက်စ်တေနိုင်ငံအနေဖြင့် မြန်မာနိုင်ငံ၏ပုံရိပ်ကိုထိခိုက်စေသည့် မှားယွင်းစွာပုံဖော်ပြောကြားချက်များကို ရှောင်ကြဉ်ရန်နှင့် အာဆီယံပဋိညာဉ်ပါ ရည်ရွယ်ချက်နှင့် အခြေခံမူများကို တာဝန်သိအာဆီယံအဖွဲ့ဝင်နိုင်ငံအဖြစ်လေးစားလိုက်နာရန် နိုင်ငံခြားရေးဝန်ကြီးဌာနက တိုက်တွန်းခဲ့သည်။

မြန်မာအစိုးရအနေဖြင့် အမျိုးသားပြန်လည်သင့်မြတ်ရေးနှင့် ငြိမ်းချမ်းရေးတည်တံ့ခိုင်မြဲရေးတို့ကို မြန်မာဦး ဆောင်သည့် မြန်မာ့ကိုယ်ပိုင်လုပ်ငန်းစဉ်ဖြင့် ဆောင် ရွက်ရန် အခိုင်အမာကတိကဝတ်ပြုထားကာ တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ် (NCA)လက်မှတ်ရေးထိုးထားသော တိုင်းရင်းသားလက်နက်ကိုင်အဖွဲ့များနှင့် လက်မှတ်မရေးထိုးထားသောအဖွဲ့များအား ငြိမ်းချမ်းရေးဆွေးနွေးပွဲများတွင် ပါဝင်နိုင်ရေးနှင့် PDF အဖွဲ့ဝင်များကိုလည်း ဥပဒေဘောင်အတွင်းပြန်လည်ဝင်ရောက်ကာ နိုင်ငံရေးနည်းလမ်းဖြင့် ဖြေရှင်းရန်ဖိတ်ခေါ်ထား၍ မြန်မာနိုင်ငံ၏ တည်ငြိမ်အေးချမ်းမှုရှိသော မြေပြင်အခြေအနေမှန်များကို မည်သူမဆိုကိုယ်တိုင်လာရောက်ကြည့်ရှုရန် ဖိတ်ခေါ်သည်ဟုလည်း နိုင်ငံခြားရေးဝန်ကြီးဌာနက အသိပေးခဲ့သည်။

မြန်မာနိုင်ငံတွင် တီမောလက်စ်တေသမ္မတ၏ လွဲမှားသည့်ပြောကြားချက်များနှင့် ဆန့်ကျင်ကာ နေရာဒေသအများစုတွင် တည်ငြိမ်အေးချမ်းလျက်ရှိသည်ဟုလည်း နိုင်ငံခြားရေးဝန်ကြီးဌာနက အသိပေးပြောဆိုခဲ့သည်။