ပြည်ဖျက်မီဒီယာတွေ သိဖို့….
အစောတုန်းကတော့ မရေးတော့ပါဘူးဆိုပြီးနေတာ အခုက Social Media ပေါ်မှာ ပြည်ဖျက်မီဒီယာတွေက ပေါက်ပန်းလေးဆယ် ရေးနေကြလွန်းလို့ ဒီပို့စ်ကို ရေးလိုက်ပါတယ်။
အရင်ဆုံးမေးချင်တာက ပြည်ဖျက်မီဒီယာတွေ စာရောဖတ်တတ်ရဲ့လားပေါ့.. ပြည်သူ့စစ်မှုထမ်း ဥပဒေ ပြဌာန်းချက်တွေရော သိရဲ့လားလို့။ ဥပဒေမှာ ပါတာတွေကို ကျနော်အရင် ရှင်းပြပါမယ်။
(ဘယ်လိုလူမျိုးတွေ လျှော့ပေါ့ခွင့် ရသလဲ)
(၁) မိဘ ၂ ပါးစလုံး နိုင်ငံ့ဝန်ထမ်း [နှစ်ပေါင်း ၂၀ ထက်မနည်း] တာဝန်ထမ်းဆောင်နေသူများ၏ သား/သမီးများ၊ မိဘ ၂ ပါးစလုံး သက်ပြည့်အငြိမ်းစားယူပြီးသူများ၏ သား/သမီးများဟာ စစ်မှုထမ်းသက်တမ်း တစ်ဝက်တိတိ လျှော့ချနိုင်။ မြန်မာနိုင်ငံမှာ ၂ နှစ် သတ်မှတ်ထားတော့ ၁ နှစ်ပဲ တာဝန်ထမ်းဆောင်ရပါမယ်။
(၂) မိဘ တစ်ပါးပါး နိုင်ငံ့ဝန်ထမ်း [နှစ်ပေါင်း ၂၀ ထက်မနည်း] တာဝန်ထမ်းဆောင်နေသူများ၏ သား/သမီးများ၊ မိဘ တစ်ပါးပါး သက်ပြည့်အငြိမ်းစားယူပြီးသူများ၏ သား/သမီးများဟာ စစ်မှုထမ်းသက်တမ်း သုံးပုံတစ်ပုံ လျှော့ချနိုင်။ မြန်မာနိုင်ငံမှာ ၂ နှစ်(၂၄ လ) သတ်မှတ်ထားတော့ (၁၆ လ)ပဲ တာဝန်ထမ်းဆောင်ရပါမယ်။
လျှော့ပေါ့ခွင့်ကို ဒီလိုမျိုး ပြဌာန်းထားပါတယ်။ ဒါကြောင့် စစ်မှုထမ်းများရဲ့ သား/သမီးသာမက နိုင်ငံ့ဝန်ထမ်းများရဲ့ သား/ သမီးများပါ တစ်ပြေးညီ ခံစားခွင့်ရှိပါတယ်။
(ဘယ်လိုလူမျိုးတွေ ကင်းလွတ်ခွင့် ရသလဲ)
(၁) သာသနာ့ဝန်ထမ်းများ
(၂) အမြဲတမ်း မသန်စွမ်းသူများ
(၃) သားသမီးရှိသည့် အိမ်ထောင်ပျက်အမျိုးသမီးများ
(၄) ဆေးဘုတ်ကျသူများ
(၅) ဗဟိုအဖွဲ့က အမိန့်ထုတ်ပြန် ကင်းလွတ်ခွင့်ပြုထားသူများ (ရူးသွပ်နေသူများ၊ ကျဆုံးစစ်သည်/ရဲ/ပသစ သားသမီးများ၊ ဆရာဝန်/သူနာပြုများ၊ ဆုတံဆိပ်ရ အားကစားသမားများ) ဒီလိုလူမျိုးတွေ ကင်းလွတ်ခွင့်ရပါတယ်။
(ရှောင်လွှဲရင် ဘယ်လိုပြစ်ဒဏ်ရနိုင်သလဲ)
(၁) မှတ်ပုံတင်ရန်/ဆေးစစ်ရန်/စစ်မှုထမ်းရန် ဆင့်ခေါ်မှုအား ပျက်ကွက်ပါက ထောင်ဒဏ် ၃ နှစ်ဖြစ်စေ၊ ငွေဒဏ်ဖြစ်စေ ချမှတ်နိုင်ပါတယ်။
(၂) ပြစ်ဒဏ်လွတ်မြောက်ပါက ပြည်လည်စစ်မှုထမ်းရပါမယ်။
ပြည်သူ့စစ်မှုထမ်းနဲ့ပတ်သက်ပြီး သိထားသင့်တဲ့ အရေးကြီးအချက်တွေကတော့ ဒါတွေပါပဲ။ ပြည်ဖျက်မီဒီယာတွေရဲ့ သတင်းအတု/သတင်းအမှားတွေကို နားမယောင်မိဖို့ ဒီအချက်တွေ သိထားဖို့လိုပါတယ်။
အခုလာမယ့် ဧပြီလမှာ ပြည်သူ့စစ်မှုထမ်း အမှတ်စဉ်(၁) အဖွဲ့တွေ တာဝန်ပြီးဆုံးပြီဖြစ်တဲ့အတွက် အမြဲတမ်းစစ်မှုထမ်းရန် ဆန္ဒပြုသူများမှအပ ကျန်သူများကို အစိုးရက ပြန်လည်လွှဲပြောင်းပေးပါလိမ့်မယ်။။။
