ပဲခူးမြို့၊ ခုတင်(၅၀၀)ဆံ့ အထွေထွေရောဂါကုဆေးရုံကြီးမှာ ကမ္ဘာ့နှလုံးကျန်းမာရေးနေ့ (World Heart Day) ကျင်းပပြုလုပ်ခဲ့ကြောင်း သိရပါတယ်။
ကမ္ဘာ့နှလုံးကျန်းမာရေးနေ့ အထိမ်းအမှတ်အနေဖြင့် နှလုံးနှင့်သွေးကြောရောဂါဆိုင်ရာ ဆေးကုသခြင်းနှင့် ကျန်းမာရေးအသိပညာပေးခြင်းကို စက်တင်ဘာလ ၂၈ ရက်က ပြုလုပ်ခဲ့ခြင်း ဖြစ်ပါတယ်။
အဆိုပါကမ္ဘာ့နှလုံးကျန်းမာရေးနေ့ (World Heart Day) အထိမ်းအမှတ် နှလုံးနှင့်သွေးကြော ရောဂါဆိုင်ရာ ဆေးကုသခြင်းနှင့် ကျန်းမာရေးအသိပညာပေးခြင်းကို ပဲခူးတိုင်းဒေသကြီးအတွင်းရှိ ခရိုင် ၆ ခု၊ မြို့နယ် ၂၈ မြို့နယ် မှ နှလုံးရောဂါလူနာပေါင်း ၁,၀၀၀ ကျော်ကို တပ်မတော်စစ်ဆေးရုံမှ ပါမောက္ခနှင့် အထူးကုဆရာဝန်ကြီးများ၊ ရန်ကုန်ပြည်သူ့ဆေးရုံကြီး၊ မန္တလေးပြည်သူ့ဆေးရုံကြီး၊ မြောက်ဥက္ကလာပပြည်သူ့ဆေးရုံကြီးနှင့် ကန်သာယာဆေးရုံ တို့မှ ပါမောက္ခနှင့်အထူးကုဆရာဝန်ကြီးများပါဝင်တဲ့ မြန်မာနိုင်ငံနှလုံးရောဂါပညာရှင်များအဖွဲ့ (Myanmar Cardiac Society) မှ ပါမောက္ခဒေါက်တာနွယ်နွယ် ဦးဆောင်ပြီး နှလုံးရောဂါအထူးကုဆရာဝန်ကြီး ၃၃ ဦးက လာရောက် စမ်းသပ်ကုသပေးခဲ့ကြောင်း သိရပါတယ်။
crd//pan
