သဘာဝဘေးဒဏ်သင့်ဒေသများရှိ ပြန်လည်ထူထောင်ရေးလုပ်ငန်းများအတွက် လိုအပ်သော ဘိလပ်မြေများကို ဘိလပ်မြေစက်ရုံ(မြိုင်ကလေး)နှင့် ဘိလပ်မြေစက်ရုံ (ပြည်ညောင်) တို့မှ စက်ရုံအထိုင်ဈေးဖြင့် ရောင်းချပေးနေကြောင်း အစိုးရသတင်းများက ဖော်ပြသည်။
ယင်းဘိလပ်မြေများကို ငလျင်ဘေးဒဏ်သင့် ဒေသများဖြစ်သော မန္တလေးတိုင်းဒေသကြီး၊ စစ်ကိုင်းတိုင်းဒေသကြီးနှင့် ပဲခူးတိုင်းဒေသကြီး အစိုးရအဖွဲ့များသို့ ရောင်းချပေးသွားမှာဖြစ်ကြောင်း သတင်းများက ဆိုထားသည်။
အလားတူ ပြန်လည်ထူထောင်ရေးလုပ်ငန်းများအတွက် တိုင်းဒေသကြီးအစိုးရအဖွဲ့များက မှာယူသည့် ဘိလပ်မြေတန်ချိန် ၅၁၀၀ ကျော်ကို ဧပြီ ၈ ရက်မှ စတင်ပြီး သက်ဆိုင်ရာ ဘိလပ်မြေစက်ရုံများမှ အထူးအစီအစဉ်ဖြင့် ပို့ဆောင်ပေးလျက်ရှိကြောင်းနှင့် ပြည်တွင်းရှိ အခြားဘိလပ်မြေစက်ရုံများမှလည်း ရောင်းချပေးရန် စီစဉ်လျက်ရှိကြောင်း သိရသည်။
mhtnews@myanmarhardtalk
