ကျားဖြန့်online လိမ်လည်သူတွေကို မြန်မာတရုတ်ထိုင်းသုံးနိုင်ငံ ပူးပေါင်းပြီး ပြင်းပြင်းထန်ထန်နှိမ်နင်းလျက်ရှိပါတယ်။
KNU ဥက္ကဌ ဖဒိုကွယ်ထူးဝင်း ထင်ထင်ရှားရှားပါဝင်ပတ်သက်နေတဲ့ မြဝတီမြို့အနီးက ရွှေကုက္ကိုလ်နဲ့ KK Park နယ်မြေမှာရှိတဲ့ကျားဖြန့်လုပ်ကိုင်နေသူ ပြည်ပနိုင်ငံသားတွေကို နစကအစိုးရဖက်မှ ဖမ်းဆီးထိန်းသိမ်းလျက်ရှိပါတယ်။
ယခုရက်ပိုင်း သတင်းတွေအရ ဇန်နဝါရီလ ၃၀ ရက်နေ့ကနေ ဖေဖော်ဝါရီလ ၂၃ ရက်နေ့အထိ ပြည်ပနိုင်ငံသား ၂၂၂၀ ဦး ဖော်ထုတ်ထိန်းသိမ်းခဲ့ပြီး ၆၇၃ ဦးကို ထိုင်းနိုင်ငံမှတစ်ဆင့် သက်ဆိုင်ရာနိုင်ငံများကို ပြန်လည်လွှဲပြောင်းပေးအပ်ခဲ့ပြီးဖြစ်ပါတယ်။
ကျားဖြန့်ကိစ္စနဲ့ပတ်သက်ပြီး နစကအစိုးရရဲ့ BGF တပ်မှူးစောချစ်သူကို ထိုင်းနိုင်ငံကဖမ်းဝရမ်းထုတ်မယ်လို့ သတင်းတွေထွက်ပေါ်နေပေမယ့် KNU ဥက္ကဌ ဖဒိုကွယ်ထူးဝင်း ပါဝင်ပတ်သက်မှုတွေကိုတော့ ထိုင်းဘက်ကအသံသိပ်မထွက်တာ တွေ့ရပါတယ်။ ထိုင်းနိုင်ငံထဲမှာရှိတဲ့ ဖဒိုကွယ်ထူးဝင်းရဲ့အိမ်ကို ထိုင်းရဲတွေ ဝင်ရောက်ရှာဖွေခဲ့ပေမယ့်လည်း ကျားဖြန့်နဲ့ပတ်သက်ပြီး တစ်စုံတစ်ရာမတွေ့ရှိဘူးလို့ဆိုပါတယ်။ BGF တွေထိန်းချုပ်ထားတဲ့နယ်မြေထဲမှာ လာရောက်လုပ်ကိုင်တဲ့ ကျားဖြန့် လုပ်ငန်းတွေရဲ့ နောက်ကွယ်မှာ KNU အဖွဲ့က အကျိုးအမြတ်တွေရရှိနေတာ ထိုင်းအာဏာပိုင်တွေကသိရှိပြီး ဖြစ်ပါတယ်။
ဒေသဖွံ့ဖြိုးရေးအကြောင်းပြပြီး ကျားဖြန့်လုပ်ငန်းတွေ စတင်ဆောင်ရွက်စဉ်က KNU အဖွဲ့ ပိုင်စီးပွါးရေးကုမ္ပဏီတွေနဲ့တရုတ်လုပ်ငန်းရှင်တွေ အဓိကပူးပေါင်းဆောင်ရွက်ထားတဲ့ စာချုပ်စာတမ်းများထွက်ပေါ်လာပြီး အဲ့ဒီအချိန်က တပ်မဟာ(၄) တပ်မဟာမှူး ဖြစ်ခဲ့တဲ့ ဖဒိုကွယ်ထူးဝင်းကိုယ်တိုင်လက်မှတ်ရေးထိုးထားတဲ့ ခိုင်မာတဲ့သက်သေတွေလူမှုကွန်ရက်ပေါ်မှာ မြင်တွေ့နေရပါတယ်။
လက်ရှိရွှေကုက္ကိုလ်နယ်မြေကို ပြည်ပနိုင်ငံသားတွေရောက်ရှိလာဖို့အတွက် KNU အဖွဲ့ရဲ့ခွင့်ပြုချက်မရှိရင် လာရောက်ဖို့မဖြစ်နိုင်တဲ့အတွက် ယခုဖမ်းဆီးထိန်းသိမ်းထားတဲ့ လူ ၂၀၀၀ ကျော်ဟာ KNU အဖွဲ့ရဲ့ခွင့်ပြုချက်နဲ့ရောက်ရှိလာသူများသာဖြစ်ပါတယ်။
အတည်ပြုဆဲသတင်းတွေအရ ဖဒိုကွယ်ထူးဝင်းဟာ သူ့နယ်မြေထဲမှာရောက်ရှိနေတဲ့ ကျားဖြန့် online လုပ်ကိုင်သူတွေကို လုံခြုံစိတ်ချရတဲ့ KNU ထိန်းချုပ်နယ်မြေများကို ပို့ဆောင်လျက်ရှိနေကြောင်း သိရှိရပါတယ်။ ဒါကြောင့် ဖဒိုကွယ်ထူးဝင်းဟာ တရုတ်နိုင်ငံကအလိုရှိနေတဲ့ ထိုင်းနယ်စပ်က ကျားဖြန့်ခေါင်းကိုင် ဒုတိယပယ်ဆောက်ချိန် ဖြစ်နေမလားဆိုတာ စောင့်ကြည့်ရမှာပဲဖြစ်ပါတယ် . . . . .
Aung Shinn
