ရန်ကုန်တိုင်း၊ ဒဂုံမြို့သစ်(တောင်ပိုင်း) (၆၂) ရပ်ကွက်၊ ပတ္တမြားလမ်း၊ အ.မ.က (၃၀)အနီးတွင် အမျိုးသားနှစ်ဦး ဒဏ်ရာများရရှိပြီး လမ်းဘေးမှာ လဲကျနေမှု အောက်တိုဘာ ၂၇ရက်နေ့ ည ၆နာရီခွဲခန့်က ဖြစ်ပွားကြောင်း သိရသည်။
အမျိုးသားနှစ်ဦးမှာ တစ်ယောက်က ပြင်းထန်ဒဏ်ရာများရရှိထားပြီး နောက်တစ်ယောက်ကတော့ ဒဏ်ရာများ ပြင်းထန်ပေမယ့် စကားပြောနိုင်သေးတာ တွေ့ရတယ်လို့ ဒေသခံများက ပြောပါတယ်။
ဒဂုံ ဆိပ်ကမ်းမြို့နယ်၊ ၇၈ ရပ်ကွက်၊ သစ္စာလမ်းရှိ အဆောင်တစ်ခုမှာ နေထိုင်တဲ့ ဖိုးလပြည့် (၂၉နှစ်)နဲ့ ဒဂုံမြို့သစ် ဆိပ်ကမ်းမြို့နယ်၊ ၉၄ ရပ်ကွက်၊ B ဘလောက် တိုက်ခန်းတစ်ခုမှာ နေထိုင်တဲ့ ပိုင်မင်းထက်(၂၀နှစ်)တို့ နှစ်ဦးကိုဒဏ်ရာများဖြင့် တွေ့ရှိခဲ့တာပါ။
သူတို့က ကားနဲ့ မိုင်းဖောက်ခွဲရန်အသွား ကားပေါ်မှာ မိုင်းပေါက်ကွဲပြီး ဒဏ်ရာများရရှိခဲ့တာဖြစ်ပြီး ကားပေါ်ပါလာတဲ့ အထဲကတစ်ယောက်ကတော့ ဒဏ်ရာအနည်းငယ်သာ ရရှိပြီး ထွက်ပြေးသွားနိုင်ခဲ့ပါတယ်။ သူတို့နှစ်ယောက်ကတော့ ဒဏ်ရာများနဲ့ထွက်မပြေးနိုင်တော့တဲ့အတွက် ကျန်ရှိခဲ့ကြောင်း သိရပါတယ်။
ဖိုးလပြည့်မှာ ဝဲဘက် လက်ကောက်ဝတ်မှ ပြတ်ထွက်ဒဏ်ရာ၊ ယာလက်ချောင်းများ ပြတ်ထွက်ဒဏ်ရာ၊ ယာပေါင်ပေါက်ပြဲ ဒဏ်ရာရပြီး စိုးရိမ်ရနှင့် ပိုင်မင်းထက်မှာ ဝဲ/ယာခြေထောက် ပေါက်ပြဲဒဏ်ရာများ ရရှိရပြီး မစိုးရိမ်ရ ဒဏ်ရာတို့ဖြင့် ဆေးဝါးကုသလျှက်ရှိပါတယ်။
မောင်ညီမိုး(ကြည့်မြင်တိုင်)
