-စက်တင်ဘာလ ၁၁ ရက် ၁၁၃၀ နာရီတွင် “ရွှေလင်းထက်” ခရီးသည်တင်ယာဉ်လိုင်းမှ ယာဉ်မောင်း ဦးအေးမင်း မောင်းနှင်၍ ယာဉ်နောက်လိုက်နှင့် ခရီးသည် ကျား ၆ ဦး၊ မ ၅ ဦး၊ ပေါင်း ၁၁ ဦးတို့ လိုက်ပါလာသည့် ယာဉ်အမှတ်၊ 6C-47969၊ Scania ခရီးသည်တင်မှန်လုံယာဉ်သည် မြိတ်မြို့မှ ရန်ကုန်မြို့သို့ ထွက်ခွာလာစဉ် ပုလောမြို့နယ်၊ ခမောင်းတောကျေးရွာအနီးသို့ ရောက်ရှိစဉ် အကြမ်းဖက်အဖွဲ့ဝင်များ မောင်းနှင်လာသည့် ဆိုင်ကယ် ၁ စီးအား တိုက်မိခဲ့ရာ အကြမ်းဖက်အဖွဲ့မှ ခရီးသည်တင်ယာဉ်နှင့် ခရီးသည်များအား ပဝတ်ကုန်းကျေးရွာဘက်သို့ ဖမ်းဆီးခေါ်ဆောင်သွားကြောင်း သိရှိရပါသည်။
-စက်တင်ဘာလ ၁၁ ရက် ၀၉၀၀ နာရီတွင် သံဖြူဇရပ်မြို့နယ်၊ အတွင်းစခန်းကြီးကျေးရွာနေ ဗထူးယူ(၃၅)နှစ်သည် သံဖြူဇရပ် မြို့နယ်၊ ဇီးနှစ်ပင်ကျေးရွာအနီး၌ ကွမ်းသီးခူးရန်သွားရောက်စဉ် ရာဘာခြံနေရာအရောက်၌ PDF အကြမ်းဖက်အဖွဲ့ မှ ထောင်ထားသည့် လက်လုပ်တိုက်မိုင်း ၁ လုံးအား တိုက်မိပေါက်ကွဲခဲ့ရာ ဗထူးယူတွင် ယာလက်၊ ဝဲခြေထောက်ကျိုး၊ ယာပါးပွန်းပဲ့၊ ဝမ်းဗိုက်မိုင်းစထိမှန်ဒဏ်ရာ(စိုးရိမ်ရ)တို့ ရရှိခဲ့။
