လတ်တလောကာလတွင် မြန်မာနိုင်ငံမှာ ကိုဗစ်ရောဂါအပတ်စဉ်ပိုးတွေ့ရှိမှု အနည်းငယ် မြင့်တက်လာတာ ကြောင့် ပါးစပ်နဲ့ နှာခေါင်းစည်း Mask တပ်ဆင်သင့်ကြောင်း ကျန်းမာရေး၀န်ကြီးဌာနက သတိပေးထားတယ်လို သိရပါတယ်။ ၂၀၂၃ ခုနှစ် နှစ်ကုန်ပိုင်းအတွင်း ကိုဗစ်-၁၉ မျိုးရိုးဗီဇပြောင်း အိုမီခရွန်ရောဂါပိုး JN.1 ကူးစက်မှုကြောင့် ဒေသတွင်းနဲ့ အိမ်နီးချင်းနိုင်ငံအချိုမှာ ကိုဗစ်-၁၉ ရောဂါ ဖြစ်ပွားမှုများပြားခဲ့ကာ မြန်မာနိုင်ငံမှာလည်းကူးစက်မှု တွေ့ရှိထားကြောင်းအတည်ပြုပြီး ဖြစ်ပါတယ်။
အဆိုပါကိုဗစ်-၁၉ ရောဂါအပတ်စဉ်ပိုးတွေ့ရှိမှုများ အနည်းငယ်မြင့်တက်လာတာကြောင့် လူနေထူထပ်တဲ့ နေရာ၊ အလုံပိတ်နေရာ၊ လေ၀င်/လေထွက်မကောင်းတဲ့ နေရာများမှာ ရှိနေချိန်ပါးစပ်နဲ့ နှာခေါင်းစည်း (Mask) တပ်ဆင်သင့်တယ်လို ဆိုပါတယ်။ ဒါ့အပြင် အများပြည်သူအသုံးပြုတဲ့ မော်တော်ယာဉ်၊ ရထား၊ သင်္ဘော၊ လေယာဉ် စတဲ့ယာဉ်များဖြင့် ခရီးသွားခြင်းနဲ့ ဆေးရုံ/ကျန်းမာရေးဌာနများနဲ့ ဘိုးဘွားရိပ်သာများသို သွားရောက်ခြင်းများမှာ Mask တပ်ဆင်သင့် တယ်လို သတိပေးထားပါတယ်။
ကိုဗစ်-၁၉ ရောဂါထပ်ဆောင်းကာကွယ်ဆေး ထိုးနှံမှုခံယူခြင်းဖြင့် ကိုဗစ်-၁၉ ရောဂါပြင်းထန်နိုင်ခြေနှင့် သေဆုံးနိုင်ခြေကို လျှော့ချနိုင်တာဖြစ်ကာ အသက်အရွယ်ကြီးသူများ၊ နာတာရှည် ရောဂါအခံရှိသူများနဲ့ ကိုယ်ခံအား နည်းနေသူများအနေနဲ့ ထပ်ဆောင်းကာကွယ်ဆေးထိုးနှံမှု ခံယူကြရန် တိုက်တွန်းထားပါတယ်။
ကိုဗစ်-၁၉ ရောဂါနဲ့ အသက်ရှူလမ်းကြောင်းဆိုင်ရာ ရောဂါလက္ခဏာ တစ်ခုခုခံစားနေရပါက အခြားသူများသို ကူးစက်မှုမရှိစေရေး လူထူထပ်သောနေရာများနဲ့ အလုံပိတ်နေရာများသို သွားလာခြင်းမှ ရှောင်ကြဉ်ကြရန် သတိပေးထားတာ ဖြစ်ပါတယ်။
PAN
