ရှေးဟောင်းသုတေသနနှင့် အမျိုးသားပြတိုက်ဦးစီးဌာနသည် မကွေးတိုင်းဒေသကြီး၊ တောင်တွင်းကြီးမြို့နယ်ရှိ ကမ္ဘာ့အမွေအနှစ်စာရင်းဝင် ဗိဿနိုးမြို့ဟောင်းကို တူးဖော်သုတေသနပြုဆောင်ရွက်ရာမှ ရွှေသတ္တု၊ ငွေသတ္တုတို့ဖြင့် ပြုလုပ်ထားသည်ဟု ယူရဆရသော ဒင်္ဂါးပြား (၃) ပြား တူးဖော်တွေ့ရှိခဲ့ကြောင်း သိရသည်။
ရှေးဟောင်းသုတေသနနှင့် အမျိုးသားပြတိုက်ဦးစီးဌာနအနေဖြင့် စဉ်ဆက်မပြတ် သုတေသနပြု လေ့လာခြင်း လုပ်ငန်းများ ဆောင်ရွက်ကာ မြန်မာနိုင်ငံသမိုင်းစဉ်များ ပိုမိုခိုင်မာစေရန်အတွက် ရှေးဟောင်း နေရာများနှင့် ရှေးမြို့ဟောင်းများတွင် တူးဖော်သုတေသနပြုလုပ်ငန်းများ ဆောင်ရွက်လျက်ရှိကြောင်း သိရသည်။
