-နိုဝင်ဘာ ၁၅ ရက် ၁၆၀၀ နာရီတွင် မုံရွာမြို့၊ ဒေါနခြံရပ်ကွက်နေ ဦးထက်အောင်သန့်(၃၉)နှစ်၏ နေအိမ်၌ ဦးထက်အောင်သန့်သည် ဇနီးဖြစ်သူ ဒေါ်ကြည်ပြာ(၄၉)နှစ်သည် နေအိမ်၌ ရှိနေစဉ် အကြမ်းဖက်သူ ကျား ၂ ဦး၊ မ ၂ ဦးတို့သည် ဆိုင်ကယ် ၂ စီးဖြင့် ရောက်ရှိလာပြီး အကြမ်းဖက်သူများမှ ဦးထက်အောင်သန့်အား ခြံဝန်းအတွင်း ရပ်ထားသည့် Alion(အဖြူရောင်) ယာဉ်အမှတ်၊ 2M/7985 နှင့်အတူ အက်တောကျေးရွာဘက်သို့ ဖမ်းဆီးခေါ်ဆောင်သွားကြောင်း သိရှိရ။
-နိုဝင်ဘာ ၁၅ ရက် ၁၈၀၀ နာရီတွင် စစ်ကိုင်းမြို့၊ ရွာထောင်ရပ်ကွက်တွင် အကြမ်းဖက်သူ ၂ ဦးမှ ဦးအောင်ထိုက်(၄၇)နှစ်၊ စိန်ကုန်းရပ်ကွက်နေသူအား လက်နက်ငယ်ဖြင့် ပစ်ခတ်ခဲ့သဖြင့် လည်ပင်းကျည်ဖောက်ဝင် ဒဏ်ရာ(စိုးရိမ်ရ)ဖြင့် မုံရွာ – မန္တလေးကားလမ်းဘေး၌ တွေ့ရှိခဲ့သဖြင့် စစ်ကိုင်းမြို့ပြည်သူ့ဆေးရုံသို့ ပို့ဆောင်ခဲ့ကြောင်း သိရှိရ။
-နိုဝင်ဘာ ၁၅ ရက် ၀၈၃၀ နာရီတွင် မတ္တရာမြို့နယ်၊ ညောင်ကုန်း(တ)ကျေးရွာတွင် နေထိုင်သော ဦးမျိုးအောင်(ခ)နေမျိုးအောင် (၄၂)နှစ်သည် မန္တလေးမြို့မှ ဆိုင်ကယ်ဖြင့် ပြန်လာစဉ် ဆူးကားကျေးရွာ တံတားထိပ် အရောက်၌ အကြမ်းဖက်သမား ကျား ၂ ဦးမှ ဆိုင်ကယ်ဖြင့် လိုက်ပါလာပြီး ပစ္စတိုဖြင့် ၁ ချက် ပစ်ခတ်ထွက်ပြေးသွားခဲ့ရာ ဦးမျိုးအောင် (ခ)နေမျိုးအောင်တွင် ယာနားထင် ကျည်ဖောက်ဝင်ဒဏ်ရာဖြင့် သေဆုံးသွားခဲ့ကြောင်း သိရှိရ။
