ဘ၀ရဲ့နေ၀င်ခြင်း
အဲ့ဒီနေ့ကို ဘယ်သူမှငြင်းမရဘူး ။
ချမ်းသာတဲ့သူလည်းကြုံမယ်
ဆင်းရဲတဲ့သူလည်းကြုံရမယ် ။
ပညာတတ်လည်းကြုံရမယ်
ရုပ်ချောလည်းကြုံရမယ် ။
တန်ခိုးရှိလည်းပြေးမလွတ်သလို
ဘုန်းကံကြီးမားလည်းမလွတ်ပါဘူး ။
ဘယ်သူတွေဘယ်လိုသွားသွား
သူ့ဘူတာ သူဆင်းတာပဲလေ
ကိုယ်က တားလို့မှမရနိုင်တာ ။
သူပြီးရင် ကိုယ့်ဘူတာပေါ့
ဘယ်လိုဆင်းမလဲ ဒါလေးစဉ်းစား ။
ပြုံးပြုံးလေးပဲပြန်မလား
မျက်နှာမသာယာစွာ ပြန်မှာလား ။
လက်ဗလာချည်းပဲပြန်မှာလား
အထုတ်လေးနဲ့ပြန်မှာလားလို့
အဲ့ဒါလေး ငါ့ကိုငါမေးပေးပါ ။
အပေါ်ယံကြည့်တော့
ငါ့သား ငါ့မယား ငါ့အမျိုးတွေပေါ့ ။
သေချာစေ့စေ့တွေးကြည့်တော့
ရုပ်နာမ်ဓမ္မ သင်္ခါရတွေပဲမဟုတ်လား ။
အားလုံးဟာ အနိစ္စသဘောနဲ့
ကိစ္စချောရမည့် သူတွေချည်းပါပဲ ။
တစ်ဘ၀ တစ်ခဏဆုံကြတဲ့
လောကဇရပ်ပေါ်က ဧည့်သည်တွေမို့
လမ်းခွဲမှာဝမ်းနည်း နေမယ့်အစား
သံဝေပွားရင် ကိုယ့်အပြန်လမ်းအတွက်
ဘ၀ကိုဓမ္မနဲ့ပြင်ရင်း စောင့်ကြပါစို့ ။
🙏🙏🙏 သာရ ဂ ဝေ သီ🙏🙏🙏
