ဇူလိုင်လ ၁၆ ရက်နေ့မှုခင်းသတင်းများ

-ဇူလိုင်လ ၁၅ ရက်နေ့ ၂၃၂၀ နာရီချိန်တွင် ပုလောမြို့၊ အမှတ်(၂) ရပ်ကွက်တွင်နေထိုင်သော ဦးသိန်းဝင်း နေအိမ်သို့ အကြမ်းဖက်သမား ၂၀ ဦးခန့်ရောက်ရှိလာပြီး ဦးသိန်းဝင်းနေအိမ်အား လက်နက်ငယ်များဖြင့် ပစ်ခတ်ပြီး ဦးသိန်းဝင်အားမတွေ့၍ မိသားစုဝင်များအား အပြင်ထုတ်၍ နေအိမ်အားမီးရှို့ ဖျက်ဆီးခဲ့ပြီး ပြန်လည်ထွက်ခွာသွားခဲ့ပြီး အကြမ်းဖက်များ၏ ပစ်ခတ်မှုကြောင့် နေအိမ်ဘေးရှိ ပိုင်ပိုင်(၁၉) နှစ်အား ကျည်ထိမှန်ပြီး သေဆုံးသွားခဲ့ကြောင်း သိရှိရ။

-ဇူလိုင်လ ၁၅ ရက်နေ့ ၁၂၃၀ နာရီချိန်တွင် ရွှေဘိုမြို့၊ အမှတ်(၅) ရပ်ကွက်တွင် နေထိုင်သော ဦးအောင်စိုးလင်း (၄၁) နှစ်အား ရွာအတွင်း၌ ခြင်းခတ်နေစဉ် အကြမ်းဖက်သမား ၁၅ ဉီးခန့်ရောက်ရှိလာပြီး ဦးအောင်စိုးလင်း အား ရွှေဘိုမြို့နယ်၊ ပန်းတောင်းဘက်သို့ ဖမ်းဆီးခေါ်ဆောင်သွားကြောင်း သိရှိရ။

-ဇူလိုင်လ ၁၅ ရက်နေ့ ၁၆၃၀ နာရီချိန်တွင် တောင်တွင်းကြီးမြိုနယ်၊ ပုဂံကျေးရွာတွင် နေထိုင်သော ဦးကျော်ဆင့် (၅၉) နှစ်သည် တောင်တွင်းကြီးမြို့မှ ပုဂံကျေးရွာဘက်သို့ ပြန်လာစဉ် အုန်းတော(၁) ရပ်ကွက် သို့အရောက်၌ အကြမ်းဖက်သမား ၂ ဦးမှ ဆိုင်ကယ်ဖြင့် နောက်မှ လိုပ်ပါလာပြီး ပစ္စတိုဖြင့် ပစ်ခတ်ခဲ့သောကြောင့် ဦးကျော်ဆင့်တွင် ကျည်ဖောက်ဝင်ဒဏ်ရာများဖြင့် သေဆုံးသွားခဲ့ကြောင်း သိရှိရ။

-ဇူလိုင်လ ၁၅ ရက်နေ့ ၁၆၄၀ နာရီချိန်တွင် သာစည်မြို့၊ အမှတ်(၃) ရပ်ကွက်တွင် နေထိုင်သော ဦးဇော်ဝင်း(၅၇) နှစ်သည် သစ္စာမိုး လက်ဖက်ရည်ဆိုင်တွင် လက်ဘက်ရည်သောက်နေစဉ် အကြမ်းဖက်သမား ၂ ဦးမှ ဆိုင်ကယ်ဖြင့် ရောက်ရှိလာပြီး ပစ္စတိုဖြင့် ပဟ်ခတ်သွားခဲ့သောကြောင့် ဦးဇော်ဝင်းမှာ ကျည်ဖောက်ဝင်ဒဏ်ရာများဖြင့် သေဆုံးသွားခဲ့ကြောင်း သိရှိရ။

-ဇူလိုင်လ ၁၅ ရက်နေ့ ၀၇၃၀ နာရီချိန်တွင် အကြမ်းဖက်သမားများ ပစ်ချခဲ့သည့် Drop Bomb ၂ လုံးသည် ရွှေဘိုမြို့၊ အမှတ်(၄) ရပ်ကွက် အနောက်ဈေးရပ်၊ မြို့မဈေးအတွင်းရှိ ငါးတန်း၌ ကျရောက်ပေါက်ကွဲခဲ့သဖြင့် ဈေးရောင်း/ဈေးဝယ်များဖြစ်ကြသည့် ဒေါ်ငယ်လေး(၄၈) နှစ်၊ မသင်းသင်းဇော်(ခ) မွှေးမွှေး(၁၁) နှစ်၊ မင်းကုန်းကျေးရွာနေသူ ဝဲယာခြေဖနောင့်၊ နောက်ကျော ဗုံးစထိမှန်ဒဏ်ရာ၊ ဒေါ်ဇာခြည်(၃၇) နှစ် ယာလက်ကောက်ဗုံးစထိမှန်ဒဏ်ရာရ၊ မလဲ့လဲ့မွန်(၂၁) နှစ် ခါးယာဘက်စောင်း ဗုံးစထိမှန်ဒဏ်ရာ၊ ဒေါ်စုစုလှိုင်(၅၁) နှစ်၊ ယာပေါင်ဗုံးစထိမှန်ဒဏ်ရာ၊ ဦးသောင်းထိုက်လင်း(၂၉) နှစ် ဝမ်းဗိုက်ဝဲလက်ဖျံဗုံးစထိမှန်ဒဏ်ရာ၊ ဦးရဲကို(ခ) အေးကြူ(၅၈) နှစ် ယာတင်ပါးဗုံးစထိမှန်ဒဏ်ရာ၊ အရှင်အာလောက(ခ) အာကာကျော်(၁၃) နှစ် ဝဲပေါင်ဗုံးစထိမှန်ဒဏ်ရာ တို့ရရှိခဲ့ကြောင်း သိရှိရပါတယ်။