အကူညီပေးတယ်ဆိုတဲ့နေရာမှာ ကိုယ်ပေးလိုက်တဲ့ အကူအညီတွေက လူမှန်သူမှန်ဆီမှာရောက်မှ တကယ်ကိုတန်ဘိုးရှိတာမျိုးပါ။
အဆင်ပြေနေတဲ့သူ ကူညီဖို့လူတွေ ဝန်းရံနေတဲ့သူဆီမှာ ကိုယ်ကတော့ မိုးလောက်ကြီးလုပ်ပေးပေမယ့် သူတို့အတွက်က မြူမှုန်လို့တောင် မထင်တာမျိုးတွေရှိတယ် ။ အဆင်မပြေတဲ့သူတွေ မထင်မရှားဖြစ်ရသူတွေမှာတော့ ကိုယ့်အကူညီလေးက နည်းနည်းလေးဆိုပေမယ့် တဖွဖွနဲ့ ကျေးဇူးတင်မဆုံးတွေ ဖြစ်တတ်တယ် ။
ကျေးဇူးတင်ခံချင်လို့မဟုတ်ပေမယ့် စိတ်ရောလူရော နှစ်ကူညီမှုမှာ လူတွေပြန်လိုချင်တာက အသိမှတ်ပြုမှုပါ ။ အဲ့အပေါ်မှာပဲ ပီတိပြန်ခံစားလိုကြတာများပါတယ် ။ ဒါပေမယ့်ထင်သလို အသိမှတ်ပြုမှုမရတဲ့အပြင် ကျေးဇူးကန်းတာပါ ထပ်ရလိုက်တဲ့အခါ အကူညီပေးမိသူတွေရဲ့စိတ်ထဲမှာ ငါကတော့ လုပ်ပေးလိုက်ရတာ သူကတော့ ငါ့ကိုဒီလိုပြန်ဆက်ဆံတယ်ဆိုပြီး အပြစ်တင်မိလိုက်ကြတယ် ။
တကယ်တော့ ကိုယ်တိုင် မယူတတ်တတ်တဲ့ သင်ခန်းစာတွေက အများကြီးပါ ။ ကိုယ်ကမှ လျှံနေတဲ့အိုးကို ရေအပင်ပန်းခံပြီး ထမ်းဖြည့်၊ ထပ်ဖြည့်မိတော့ လျှံကျတယ်လို့မြင်တတ်ဖို့ပါ ။ တကယ်ကို ရေမရှိတဲ့အိုးတွေကို ရေဖြည့်ဖို့လိုအပ်ကြောင်း သိလိုက်ဖို့ပါပဲ ။
မရှိတဲ့သူတွေအတွက်က ကိုယ့်ရဲ့ အကူညီသေးသေးလေးကလည်း သူတို့အတွက် ပြောမဆုံးအောင် ကျေးဇူးအထပ်ထပ်တင်ပြီး အသိမှတ်ပြုနေပေမယ့် ၊ ခြွေရံပေါများနေသူတွေအတွက် သူတို့အတွက်ကိုယ့်ရဲ့ စိတ်ရောကိုယ်ပါနှစ်ပြီး လုပ်ကိုင်ပေးတာက အပိုစာသားဖြစ်တတ်လို့ ဆင်ခြင်ဖို့ပါပဲ ။
သူတို့ကိုအပြစ်တင်ဖို့်ထက် ကိုယ်တိုင်ဆင်ခြင်တတ်ဖို့ပါ ။
ပြန်လည်ကူးယူဖော်ပြပါသည်။
