ပါ၀င်ပစ္စည်းများ…….
(၁) ငါးနှပ် ၅၀ ကျပ်သား
(၂) မရမ်းပြား ၅ ကျပ်သား
(၃) ငရုတ်သီးစိမ်း (မိုးမျှော်သီး) အနည်းငယ်
(၄) ကြက်သွန်နီ ၃ဥ
(၅) ကြက်သွန်ဖြူ ၁ဥ
(၆) နနွင်းမှုန့် အနည်းငယ်
(၇) ငါးပိ အနည်းငယ်
(၈) ရှမ်းနံနံ အနည်းငယ် စသည်တို့ လိုအပ်ပါတယ်……။
ချက်ပြုတ်ပုံ အဆင့်ဆင့်…………
ပထမဦးဆုံး ငါးကို ဦးခေါင်;ပိုင်းနဲ့ ၀မ်းပိုင်းကို သန့်စင်ဖယ်ရှားပြီး ရေစင်အောင် ဆေးကြောပြီး ဟင်းချက်အိုးထဲ ထည့်ရပါမယ်။ ထို့နောက် ငြုတ်သီးစိမ်း၊ မရမ်းပြား၊ ကြက်သွန်ဖြူ၊ ကြက်သွန်နီ၊ ငါးပိ၊ နနွင်းမှုန့်၊ ရှမ်းနံနံ (ရှမ်းနံနံအစား နံနံပင် စပါးလင် မိမိ ကြိုက်နှစ်သက်ရာ အသုံးပြုနိုင်ပါတယ်) တို့ကို တခါတည်း ရောထောင်းပြီး အနည်းငယ် ရောစပ်ညက်သွား ပါက အိုးထဲခပ်ထည့်ပြီး ငါးတွေနဲ့ သမအောင် နယ်ရပါမယ်။ ထို့နောက် ရေအနည်းငယ်ထည့်ပြီး မီးဖိုပေါ်တင်ကာ ချက်လို့ရပါပြီး။ ဆယ်မိနစ်လောက် တည်ပြီးလျင် နံနံပင်နဲ့ ငရုတ်သီးစိမ်းအနံ့ တထောင်းထောင်းထနေတဲ့ငါးနှပ်ဟင်းအိုးလည်း ပွက်ပွက်ဆူနေပါပြီး။ အပေါ့ အငန်မြည်းကြည့် လိုအပ်မှ ဆားထည့်ပါ။
ချက်ခါစမှာ ဆားမထည့်ပါနဲ့နော် (မရမ်းပြားမှာ ဆားပါပြီသားဖြစ်ပါတယ်။) မီးဖိုပေါ်ကချလို့ မိသားစု (သို့မဟုတ်) အပေါင်းအဖေါ်တွေနဲ့ ရှုးရှဲရှုးရှဲနဲ့ ချိုချဉ်ငန်းစပ် အလွန်အရသာရှိတဲ့ ကျန်းမာရေးနဲ့လည်း ညီညွတ်တဲ့ ဆီမပါ ငါးနှပ် မရမ်းပြားဟင််းချက်နည်းကို တင်ပြရင်း မြိန်မြိန်နဲ့ စားလို့ရပါပြီးခင်ဗျာ……။
(ကင်းမွန် ပုစွန် တခြားသော မိမိ နှစ်သက်ရာ အသားငါးများကိုလည်း သည်နည်းအတိုင်း ချက်ပြုတ် နိုင်ပါတယ်နော်)
