ရေကျိုငါးပိကို အောက်ပါအဆင့်အတိုင်း လုပ်ဆောင်ရပါမည်။
၁။ လတ်ဆတ်သော ရေချိုငါးအကောင်ကြီး/ငယ်များ ရွေးချယ်လက်ခံခြင်း။
၂။ ငါးအကြေးခွံချွတ်ခြင်း၊ ဗိုက်ဖောက်၊ အူထုတ်သန့်စင်ခြင်းနှင့် သန့်ရှင်းသောရေဖြင့် ရေဆေးခြင်းနှင့် ရေစစ်ခြင်း။
၃။ ငါးနှင့်ဆား ၁၀% ခန့်ရောနယ်၍ စဉ့်အိုး(သို့) ပလတ်စတစ်ဗန်း (သို့) သစ်သားစည်တွင် အလေးဖိ၍ တစ်ရက်၊ တစ်ရက်ခွဲခန့်ထားခြင်း။
၄။ နေပူတွင် တစ်ရက်မှ နှစ်ရက်ခန့် နေလှန်းခြင်းနှင့် ဆား ၁၅% (သို့) ၂၀%ထိ ထပ်ထည့်၍ ငရုတ်ဆုံတွင် ကျည်ပွေ့ဖြင့်ထောင်းခြင်း။
၅။ အချို့ထုတ်လုပ်သူများသည် ဆန်/ဆန်ကွဲ ခပ်ပျစ်ပျစ်ကျိုပြီး အအေးခံကာ ငါးနှင့်ရောသိပ်ကြပါသည်(အချိုးအစား ၂.၅ %)။
၆။ ထောင်းထားသောငါးများအား စဥ့်အိုးတွင် လေလုံအောင် ၄-၆ လကြာ ဖိသိပ်သိုလှောင်ခြင်း(ယင်သတိပြုရန်)။
၇။ သင့်တော်သော အလေးချိန်ချိန်၍ထုပ်ပိုးခြင်း။
အသုံးပြုနိုင်သော ကုန်ကြမ်းအမျိုးအစားများ
ငါးရံ့၊ ငါးပြေမ၊ ငါးဖယ်၊ ငါးဇင်ရိုင်း၊ ငါးခွေးလျှာ၊ ငါးပုလွေ၊ ငါးတံခွန်၊ ငါးပုတ်သင်၊ ငါးပြား၊ ငါးဖျင်းသလက်၊ ငါးမြီးတံသွယ်။
