ကမ္ဘာကြီးရဲ့ အကြီးမားဆုံး ဆူးညောင့်တစ်ခုဖြစ်တဲ့ ပလတ်စတစ်ညစ်ညမ်းမှုကို တိုက်ဖျက်ဖို့ မက္ကဆီကိုနိုင်ငံမှ ထူးချွန်လှတဲ့ အမျိုးသမီး ဓာတုအင်ဂျင်နီယာ Sandra Pascoe Ortiz က ကမ္ဘာ့ပထမဆုံးသော သဘာဝအခြေခံ နည်းပညာတစ်ခုကို အောင်မြင်စွာ တီထွင်နိုင်ခဲ့ပါတယ်။ 
သူမဟာ မက္ကဆီကိုမှာ အလွန်ပေါများတဲ့ နိုပယ်လ် (Nopal) ရှားစောင်းပင် သစ်ရည်ခပ်ပျစ်ပျစ်ကို အခြေခံပြီး သဘာဝ ပရိုတင်း၊ ဖယောင်းတို့နဲ့ စနစ်တကျ ပေါင်းစပ်ကာ ဇီဝဆွေးမြေ့လွယ်တဲ့ ပလတ်စတစ်အတု ကို ထုတ်လုပ်ခဲ့တာဖြစ်ပါတယ်။ 
ဒီပစ္စည်းရဲ့ အံ့ဩစရာကောင်းတဲ့ အချက်တွေကတော့ –
မြေကြီးထဲမြှုပ်ထားရင် ၁ လခန့် အတွင်း ဓာတ်ပြယ်ဆွေးမြေ့ ပျောက်ကွယ်သွားခြင်း။
ရေထဲပစ်ထားရင် ၁ ပတ်ခန့် အတွင်း သဘာဝအတိုင်း ပျောက်ကွယ်သွားခြင်း။
ဓာတုပစ္စည်း လုံးဝမပါဝင်တာကြောင့် လူနဲ့ တိရစ္ဆာန်တွေ မှားယွင်းစားမိရင်တောင် အန္တရာယ် ကင်းရှင်းခြင်း။
တစ်ခါသုံးအိတ်တွေ၊ ပလတ်စတစ်ဘူးတွေ ပြုလုပ်ရာမှာ ကမ္ဘာ့ပတ်ဝန်းကျင်ကို အကောင်းဆုံး ကယ်တင်ပေးနိုင်မယ့် အနာဂတ် နည်းပညာသစ်တစ်ခုပဲ ဖြစ်ပါတယ်။ 
