ရန်ကုန်တိုင်းရှိ ရန်ကုန်အရှေ့ပိုင်းတက္ကသိုလ်ကျောင်းဝင်းအတွင်း၌ ဘွဲ့နှင်းသဘင်နှင့် အပန်းဖြေရိပ်သာတည်ဆောက်မည်ဖြစ်ကြောင်း သိရသည်။
အဆိုပါ ဘွဲ့နှင်းသဘင်နှင့် အပန်းဖြေရိပ်သာတည် ဆောက်မည့်မြေနေရာများ၊ ဘောလုံးကွင်း၊ အားကစားရုံနှင့် ကန်တင်းတို့ကိုအဆင့်မြှင့်တင်ရေးဆောင်ရွက်မည့်အခြေအနေများကို ပညာရေးဝန်ကြီးဌာန ပြည် ထောင်စုဝန်ကြီးဒေါက်တာချောချောစိန်က မေ ၂ ရက်တွင်ကြည့်ရှုစစ်ဆေးခဲ့ကြောင်း သိရသည်။
ထို့ပြင် ပြည်ထောင်စုဝန်ကြီးသည် တက္ကသိုလ်များ လှိုင်နယ်မြေရှိ သိပ္ပံပစ္စည်းအလုပ်ရုံဌာန၌ သင်ကြားရေးအတွက်ထုတ်လုပ်ထားသော funnel ပြခန်း၊ ကျောင်းများတွင်အသုံးပြုနိုင်ရန် သင်ထောက်ကူပစ္စည်းများထုတ်လုပ်သည့်အလုပ်ရုံအခန်းများဖြစ်သည့် Electronics section ၊ Oxygen generator (လုပ်ငန်းသုံး)၊ Wood Finish Section၊ Optical Section၊ Glass Blowing Section၊ Foundry Section၊ Plastics Section၊ Moulds and Dies Section၊ Machine Shop Section တို့ကိုလည်းကြည့်ရှုစစ်ဆေးခဲ့ကြောင်း သိရသည်။
