ပရီးမီးယားလိဂ်၏ ဇန်နဝါရီလအကောင်းဆုံးဆုများအတွက် ဆန်ခါတင်စာရင်းများကို ကြာသပတေးနေ့က ထုတ်ပြန်ခဲ့ရာ မန်စီးတီးအသင်း၏ တိုက်စစ်ကစားသမား ဖိုဒန်သည် အကောင်းဆုံးကစားသမားဆုရရှိရန် အလားအလာများနေကြောင်း သိရသည်။
ဇန်နဝါရီလ အကောင်းဆုံးကစားသမားဆုအတွက် ဆန်ခါတင်စာရင်းတွင် ကစားသမား(၇)ဦး ပါဝင်နေပြီး ဖိုဒန် (မန်စီးတီး)၊ ဂက်ပို(လီဗာပူးလ်)၊ ဟူဆန်(ဘုန်းမောက်)၊ အီဆက်ခ်(နယူးကာဆယ်)၊ ဂျပ်စတင်ကလွိုက်ဗတ်(ဘုန်းမောက်)၊ မာတက်တာ(ခရစ္စတယ်ပဲလေ့စ်)နှင့် အမ်ဘူမို(ဘရန့်ဖို့ဒ်)တို့ဖြစ်သည်။
ယင်းကစားသမားများထဲတွင် အီဆက်ခ် တစ်ဦးတည်းသာ ယခုရာသီ၌ လအလိုက် အကောင်းဆုံးကစားသမားဆု ရရှိဖူးကြောင်း သိရသည်။
အကောင်းဆုံးနည်းပြဆုအတွက် ဆန်ခါတင်စာရင်းတွင် အာတီတာ(အာဆင်နယ်)၊ ဂွါဒီယိုလာ(မန်စီးတီး)၊ အက်ဒီဟောင်း(နယူးကာဆယ်)နှင့် အီရာအိုလာ(ဘုန်းမောက်)တို့ ပါဝင်ခဲ့သည်။
အကောင်းဆုံးသွင်းဂိုးဆုအတွက် ဆန်ခါတင်စာရင်းတွင် (၇)ဦးပါဝင်နေပြီး ပါလ်မာ(ချယ်လ်ဆီး)၊ ဘရွတ်စ်(ဘုန်းမောက်)၊ ဂျပ်စတင်ကလွိုက်ဗတ်(ဘုန်းမောက်)၊ ကယ်လ်ဗတ်လူဝင်(အဲဗာတန်)၊ အိုဒွိုင်း(နော်တင်ဟမ်)၊ အန်ဒီယေး(အဲဗာ တန်)၊ ကူလူဆက်ဗ်စကီး(စပါး)တို့ဖြစ်သည်။
အကောင်းဆုံးကာကွယ်မှုဆုအတွက် ဆန်ခါတင်စာရင်းတွင် (၅)ဦးပါဝင်ပြီး ဆဲလ်စ်(နော်တင်ဟမ်)၊ ဒူဘရောခါ(နယူးကာဆယ်)၊ ဝေါ်လ်တန်(အစ်ဝစ်ချ်)၊ ရာယာ(အာဆင်နယ်)နှင့် စတိုလာချုခ် (လက်စတာ)တို့ဖြစ်သည်။
အဆိုပါအကောင်းဆုံးဆုများအတွက် ဖေဖော်ဝါရီ(၃)ရက်အထိ မဲပေးခွင့်ရမည်ဖြစ်ပြီး ဖေဖော်ဝါရီ(၄)ရက်တွင် ဆုရရှိသူကို ကြေညာမည်ဟု သိရသည်။
