မြန်မာနိုင်ငံ၌ စက်သုံးဆီပြတ်လပ်နေသည်ဟု ပြင်ပတွင်ပျံ့နှံ့လျက်ရှိသည့် သတင်းများနှင့်ပတ် သက်၍ နစက ၏သတင်းထုတ်ပြန်ရေးအဖွဲ့ခေါင်း ဆောင် ဗိုလ်ချုပ်ဇော်မင်းထွန်းက သြဂုတ် ၁၅ ရက်(ယနေ့)တွင် ရှင်းလင်းပြောကြားခဲ့ခြင်းဖြစ် သည်။
“စက်သုံးဆီနဲ့ပတ်သက်လာရင် ပြည်သူလူထုအ နေနဲ့စိုးရိမ်မှုမရှိဖို့ ပြောချင်ပါတယ် သြဂုတ် ၁၄ ရက်က သီလဝါမှာ ဆီသင်္ဘောတစ်စင်း ဆိုက်ကပ်ပြီး ဆီချခဲ့တယ် ဒီနေ့မှာလည်း ဆီသင်္ဘောလေးစီး ဆိုက်ကပ်ပြီးဆီချနေပါတယ် အားလုံးပေါင်းပြောရင်တော့ 92 ၊ 95 နဲ့ပရီမီယံ စုစုပေါင်းတန်ချိန် ၆ သောင်းလောက်(ဆီဂါလန် ၁၃ သိန်း)လောက် ဒီနေ့ချနေပါတယ် ကျွန်တော်တို့ဆီမှာ အရန်ဆီတွေလည်းရှိပါတယ်”ဟု ဗိုလ်ချုပ်ဇော်မင်းထွန်းကပြောသည်။
လက်ရှိတွင် ဆီချနေသည့်အထဲမှ 92 ဆီသည် တန်ချိန် ၂၇၀၀၀ ကျော်၊ 95 ဆီသည် တန်ချိန် ၃၀၀၀ ကျော်၊ ဒီဇယ် တန်ချိန် ၆၀၀၀ ကျော်နှင့် ပရီမီယံဒီဇယ် တန်ချိန် ၂၂၀၀၀ ကျော်ရှိသည်ဟု ပြောသည်။
