အပြည်ပြည်ဆိုင်ရာတရားရုံး ICJ မှာ ဘင်္ဂါလီအရေးနဲ့ပတ်သက်တဲ့ ကြားနာမှုကို လာမယ့် ဇန်နဝါရီလ ၁၂ ရက်၊ တနင်္လာနေ့ကနေ ဇန်နဝါရီလ ၂၉ ရက်၊ ကြာသပတေးနေ့အထိ ပြုလုပ်သွားမယ်လို ICJ ရဲ့ ဝက်ဘ်ဆိုက်ကနေ အလွတ်သဘောအဖြစ်နဲ့ (Unofficial) ကြေညာခဲ့ပါတယ် …….
ကြားနာမှုပြုလုပ်မယ့် အချိန်စာရင်းကတော့ _ ၂၀၂၆ ခုနှစ်၊ ဇန်နဝါရီလ ၁၂ ကနေ ၁၅ ရက်နေ့အထိ ဂမ်ဘီယာနိုင်ငံက ပထမအချီ နှုတ်နဲ့ ဆွေးနွေးသွားမှာပါ။ အချိန်အနေနဲ့ကတော့ နယ်သာလန်စံတော်ချိန် မနက် ၁၀ နာရီကနေ နေ့လည် ၁ နာရီအထိနဲ့ ညနေ ၃ နာရီကနေ ၆ နာရီ အထိပဲဖြစ်ပါတယ်။ (မြန်မာစံတော်ချိန်ထက် ၆ နာရီခွဲ နောက်ကျပါတယ်)
၂၀၂၆ ခုနှစ်၊ ဇန်နဝါရီလ ၁၆ ကနေ ၂၀ ရက်နေ့အထိ မြန်မာနိုင်ငံက ပထမအချီနှုတ်နဲ့ ဆွေးနွေးသွားမှာပါ။ အချိန်အနေနဲ့ကတော့ နယ်သာလန်စံတော်ချိန် မနက် ၁၀ နာရီမှ နေ့လည် ၁ နာရီအထိနဲ့ ညနေ ၃ နာရီမှ ၆ နာရီအထိပဲဖြစ်ပါတယ်။
၂၀၂၆ ခုနှစ်၊ ဇန်နဝါရီလ ၂၁ ရက်နေ့မှာတော့ နယ်သာလန်စံတော်ချိန် နံနက် ၁၀ နာရီမှ ၁၂:၂၅ နာရီအထိနဲ့ ညနေ ၃ နာရီမှ ၅:၂၅ နာရီအထိ သက်သေတွေကို စစ်ဆေးမှာ (တံခါးပိတ် ကြားနာ စစ်ဆေးခြင်း) ဖြစ်ပါတယ်။ ဒီစစ်ဆေးမှုဟာ တံခါးပိတ်ကြားနာတာဖြစ်လို့ ရုပ်မြင်သံကြားကနေ ကြည့်ခွင့်ရမှာ မဟုတ်ပါဘူး။
၂၀၂၆ ခုနှစ်၊ ဇန်နဝါရီလ ၂၂ ရက်နေ့ နံနက် ၁၀ နာရီမှ ၁၂:၂၅ မိနစ်အထိနဲ့ ညနေ ၃ နာရီမှ ၄:၂၅ နာရီအထိ သက်သေတွေကို စစ်ဆေးမှာ (တံခါးပိတ် ကြားနာ စစ်ဆေးခြင်း) ဖြစ်ပါတယ်။ အဲ့သည့်နေမှာပဲ ကျွမ်းကျင်သူတွေ (ရှေ့နေတွေ) က မေးခွန်းတွေ ဖြေရှင်းချက်တွေ လုပ်ကြမှာပါ။ အချိန်ကတော့ ညနေ ၃ နာရီမှ ၄:၁၅ နာရီအထိ ဖြစ်ပါတယ်။ ကျွမ်းကျင်သူကို စစ်ဆေးရာမှာတော့ တံခါးပိတ်ကြားနာတာမဟုတ်လို့ ကြည့်ခွင့်ရကောင်း ရနိုင်ပါတယ်။
ဇန်နဝါရီလ ၂၃ ရက်နေ့ မနက် ၁၀ နာရီမှ ၁၂:၂၅ မိနစ်အထိကတော့ သက်သေတွေကို ပြန်စစ်မှာပါ။ ဒါကတော့ တံခါးပိတ် ကြားနာ စစ်ဆေးတာပါ။
အဲ့တာတွေပြီးတဲ့နောက် ဇန်နဝါရီလ ၂၆ ရက် မနက် ၁၀ နာရီမှ နေ့လည် ၁နာရီအထိနဲ့ ညနေ ၃ နာရီမှ ၆ နာရီအထိရယ် ဇန်နဝါရီလ ၂၇ ရက်နေ့ မနက် ၁၀ နာရီမှ နေ့လည် ၁နာရီအထိရယ်မှာ ဂမ်ဘီယာရဲ့ ဒုတိယအချီ နှုတ်နဲ့ ဆွေးနွေးမှု ပြန်လုပ်မှာဖြစ်ပါတယ်။
