ရှုပ်ထွေးနေသည့် မင်းလက်ပံ

ဖဒိုကွယ်ထူးဝင်း ကိုယ်တိုင်လက်မှတ်ရေးထိုး စာချုပ်ချုပ်ဆိုခဲ့တဲ့ ကျားဖြန့်လုပ်ငန်းကို ဖုံးကွယ်ချင်တဲ့အတွက် KNU/ KNLA အကြမ်းဖက်သောင်းကျန်းသူအဖွဲ့ကလည်း နိုဝင်ဘာ ၂၄ ရက်နေ့က “ကျားဖြန့်ကို KNU လက်မခံ” ဆိုပြီး မြဝတီမြို့နယ်၊ မင်းလက်ပံ လောင်းကစားရုံကို ဝင်ရောက်တိုက်ခိုက်လို့ DKBA နဲ့ KNU/KNLA/PDF အဖွဲ့တို့ အပြန်အလှန်ပစ်ခတ်မှုဖြစ်ပွားပြီး နှစ်ဖက်သေဆုံးမှုရှိကာ တရားမဝင်နိုင်ငံခြားသားတွေကို ဖမ်းဆီးထားခဲ့တယ်။

နိုဝင်ဘာ ၂၅ ရက် မနက် ၆ နာရီမှာတော့ မင်းလက်ပံအွန်လိုင်းလောင်းကစားရုံမှာ KNLA/PDF တွေရဲ့ ဖမ်းဆီးခြင်း ခံထားရတဲ့ တရားမဝင်နိုင်ငံခြားသားတွေက “သူတို့ကို ထွက်ခွာခွင့်ပြုဖို့၊ ပိတ်လှောင်မထားဖို့” ပြောဆိုရာက အချေအတင် စကားများပြီး ဆူပူခဲ့ရာ KNLA/PDF အကြမ်းဖက်သမားများက သေနတ်များဖြင့် ပစ်ခတ်လို့ နိုင်ငံခြားသားအချို့ ထိခိုက်သေဆုံးပြီး အချို့ဒဏ်ရာရရှိကာ ယိုးဒယားနိုင်ငံဘက်ကိုလည်း ကျည်ဆန်ကျခဲ့တယ်လို့ သိရှိရတယ်။

လက်ရှိအချိန်မှာ တပ်မတော်စစ်ကြောင်းများက တရားမဝင်နိုင်ငံခြားသားများကို ကယ်ထုတ်ရန် ဝင်ရောက်လျက်ရှိပြီး KNU နဲ့ DKBA အဖွဲ့တို့လည်း ပစ်ခတ်မှုတွေ ဖြစ်နေပါတယ်။ အခြေအနေကတော့ အားလုံးရှုပ်ထွေးလျက်ရှိပါတယ်။

ဒီဖြစ်စဉ်ကတော့ ကျားဖြန့်လုပ်ငန်းမှာ KNU ရဲ့ ပါဝင်ပတ်သက်နေမှုကို ဖုံးကွယ်ချင်တဲ့အတွက် DKBA အဖွဲ့ကို ထိုးချအပြစ်ဖို့ဖို့ ကြိုးစားရာကနေ ပစ်ခတ်မှုတွေဖြစ်ပြီး ၂ ဖက်အဖွဲ့ဝင်တွေသေဆုံးခဲ့ရသလို KNU က အကြမ်းဖက်သောင်းကျန်းသူအဖွဲ့ပီပီ ဖမ်းဆီးခံရသူတွေကို အတင်းအဓမ္မဖမ်းဆီးပိတ်လှောင် ထားလျက်ရှိပါတယ်။

တပ်မတော်ကတော့ တရားမဝင်နိုင်ငံခြားသားတွေကို ကယ်ထုတ်ဖို့ ကြိုးစားနေပါတယ်။