ပြည်သူများ၏ တောင်းဆိုချက်အရ ပြည်တွင်းထုတ်ဓာတ်ဆီဖြစ်သော RON 68 များကို အသုံးပြုရန် သင့်လျော်သည့် အများပြည်သူပိုင်မော်တော်ယာဉ်များ၊ ဝန်ကြီးဌာနများနှင့် စည်ပင်သာယာရေးအဖွဲ့ပိုင် မော်တော်ယာဉ်များအား ယနေ့ ဇန်နဝါရီလ ၂၅ ရက်နေ့မှ စတင်၍ လွတ်လပ်စွာ ဖြန့်ဖြူးရောင်းချပေးသွားမည်ဖြစ်ကြောင်း သိရသည်။
စွမ်းအင်ဝန်ကြီးဌာနက အဆိုပါ ပြည်တွင်းထုတ်ဓာတ်ဆီ RON 68 ကို ပထမအဆင့်အနေဖြင့် နိုင်ငံပိုင်စက်သုံးဆီအရောင်းဆိုင်များဖြစ်သည့် ပြည်ထောင်စုနယ်မြေ နေပြည်တော်တွင် (၁)ဆိုင်၊ မန္တလေးတိုင်းဒေသကြီးတွင် (၂)ဆိုင်၊ စုစုပေါင်း (၃) ဆိုင်တို့၌ ၂၀၂၅ ခုနှစ်၊ ဇန်နဝါရီလ ၄ ရက်နေ့မှစတင်၍ တစ်လီတာလျှင် ကျပ် ၂၂၀၀/- နှုန်းဖြင့် မော်တော်ဆိုင်ကယ်နှင့် သုံးဘီးယာဉ်များကိုသာ ဖြန့်ဖြူးရောင်းချပေးခဲ့ရာမှ ယခုအခါ မော်တော်ယာဥ်များအတွက်ကိုပါ ရောင်းချပေးခြင်း
