စီးရီးအေထိပ်သီးကလပ် အေစီမီလန်အသင်းသည် ယခုရာသီစီးရီးအေပွဲစဉ် (၁၂)ပွဲကစားပြီးချိန်တွင် (၅)ပွဲနိုင်၊ (၄)ပွဲသရေ၊ (၃)ပွဲရှုံးရလဒ်ဖြင့် ရမှတ် (၁၉)မှတ်သာရရှိထားပြီး ယင်းမှာ နောက်ဆုံး (၅)ရာသီအတွင်း အသင်း၏အဆိုးရွားဆုံးရာသီအဖွင့်မှတ်တမ်းဖြစ်ခဲ့ကြောင်း သိရသည်။
အေစီမီလန်အသင်းသည် ၂၀၂၀-၂၁ ရာသီတွင် ရာသီအဖွင့် (၁၂)ပွဲကစားပြီးချိန်၌ ရမှတ် (၂၈)မှတ်ရယူနိုင်ခဲ့သလို၊ ၂၀၂၁-၂၂ ရာသီတွင် စီးရီးအေပွဲစဉ် (၁၂)ပွဲကစားပြီးချိန်၌ (၁၀)ပွဲနိုင်၊ (၂)ပွဲသ ရေ၊ ရှုံးပွဲမရှိ ရမှတ် (၃၂)မှတ်အထိရယူနိုင်ခဲ့သည်။
ထို့ပြင် ၂၀၂၂-၂၃ ရာသီတွင် (၁၂) ပွဲကစားပြီးချိန်၌ ရမှတ် (၂၆)မှတ်၊ ၂၀၂၃-၂၄ ရာသီတွင် (၂၃)မှတ် အသီးသီးရရှိခဲ့ပြီး ယခုရာသီမှာ ယခင်ရာသီများထက် သိသိသာသာ လျော့နည်းသွားခဲ့ခြင်းဖြစ်သည်။
အေစီမီလန်အသင်းသည် လက်ရှိအမှတ်ပေးဇယားအဆင့် (၇)နေရာတွင် ရပ်တည်နေသော်လည်း ပြီးခဲ့သည့် (၄)ရာသီအတွင်း အဆင့် (၄)ပြင်ပ မရောက်ရှိခဲ့ဘဲ ချန်ပီယံဆု (၁)ကြိမ်၊ အဆင့် (၂) နှစ်ကြိမ်နှင့် အဆင့် (၄) တစ်ကြိမ်တို့ကို ရယူနိုင်ခဲ့ကြောင်းသိရသည်။
crd//
