-စက်တင်ဘာ ၁၀ ရက်နေ့ ၁၁၀၀ နာရီတွင် စစ်ကိုင်းမြို့၊ ဒါးဝယ်ဈေးရပ်ကွက်နေ လဲ့လဲ့အောင်(၅၃)နှစ်သည် နေအိမ်၌ရှိနေစဉ် PDF အကြမ်းဖက်အဖွဲ့ဝင် ၅ ဦးမှ ဆိုင်ကယ် ၂ စီးဖြင့် ရောက်ရှိလာပြီး သေနတ်ဖြင့် ပစ်ခတ်ထွက်ပြေး သွားခဲ့ရာ လဲ့လဲ့အောင်တွင် ဝဲရင်အုံ၊ ယာလက်ပြင်ကျည်ဖောက်ဝင်ဒဏ်ရာဖြင့် သေဆုံးသွားခဲ့ကြောင်း သိရှိရ။
-စက်တင်ဘာလ ၁၀ ရက်နေ့ ၀၈၃၀ နာရီတွင် ချမ်းမြသာစည်မြို့နယ်၊ မြို့သစ်(၁)ရပ်ကွက်၊ ၇၁ လမ်းနှင့် ၁၀၁ (B)လမ်းနေ ဦးရွှေဝင်းသည် ချမ်းအေးသာစံမြို့နယ်၊ ပတ်ကုန်းဝန်းကျင်ရပ်ကွက်၌ ဖွင့်လှစ်ထားသော ၎င်းပိုင်ဆိုင်သည့် “ချောင်ချောင်” ရွှေဆိုင်သို့သွားရောက်၍ ဆိုင်ဖွင့်လှစ်ရန်အတွက် နေအိမ်၌ ရွှေထည်ပစ္စည်းများနှင့် ငွေများအား ထုပ်ပိုးနေစဉ် လက်နက်ငယ်၊ ပစ္စတိုသေနတ်များကိုင်ဆောင်ထားသည့် အကြမ်းဖက် pdf ကျား ၇ ဦးခန့်မှ ယာဉ်အမှတ်၊ 3J/8313၊ NISSAN ADVAN အမျိုးအစား (ခဲရောင်)ယာဉ်ဖြင့် ရောက်ရှိလာပြီး နေအိမ်အတွင်းဝင်ရောက်၍ ဦးရွှေဝင်းအား သေနတ်ဖြင့်ချိန်ရွယ်ကာ ရွှေထည်မျိုးစုံ (၁၀)ပိဿာကျော်ခန့်(ကာလတန်ဖိုးငွေသိန်း ၅၀၆၀၀ ခန့်)၊ ငွေကျပ်သိန်း ၈၀၀ ခန့်တို့အား လုယက်ယူဆောင်ကာ ၇၁ လမ်းအတိုင်း မောင်းနှင်ထွက်ပြေးသွားခဲ့ကြောင်းနှင့် လုံခြုံရေး ပူးပေါင်းအဖွဲ့မှ တရားခံများဖမ်းဆီးရမိရေးအတွက် ဆောင်ရွက်လျက်ရှိကြောင်း သိရှိရ။
-စက်တင်ဘာလ ၁၀ ရက်နေ့ ၀၁၃၀ နာရီတွင် ရေဖြူမြို့နယ်၊ ပိတောက်ကုန်းကျေးရွာနေ ဦးကျော်ဝင်း၏ နေအိမ်သို့ PDF အကြမ်းဖက်အဖွဲ့ အင်အား ၁၀ ဦးခန့်သည် လက်နက်ငယ်များ ကိုယ်စီကိုင်ဆောင်၍ ဝက်ချောင်းကျေးရွာဘက်မှ ရေး-ထားဝယ်ကားလမ်းအတိုင်း ရောက်ရှိလာပြီး နေအိမ်အား မီးရှို့ဖျက်ဆီးကာ လာလမ်းအတိုင်း ပြန်လည်ထွက်ခွာသွားခဲ့ကြောင်း၊ မီးလောင်မှုကြောင့် နေအိမ် ၁ လုံးပျက်စီး ခဲ့ပြီး ဆုံးရှုံးမှုကာလတန်ဖိုးငွေကျပ်သိန်း ၁၅၀ ခန့် ဖြစ်ကြောင်း သိရှိရသည်။
