အမုန်းတရားတွေက
မေတ္တာမဝင်နိုင်မချင်းလက်ခံနေရဦးမှာ ။
အရှုံးတရားတွေကလည်း
သည်းမခံနိုင်မချင်း ရှိနေကြဦးမှာ ။
လောကဓံတရားတွေက
မသေမချင်းတွေ့နေကြရဦးမှာ ။
အိုနာသေတရားတွေက
ခန္ဓာမပြတ်မချင်း ရင်ဆိုင်နေရဦးမှာ ။
သောကတွေက
တဏှာမကင်းမချင်း ကြုံကြရဦးမှာ ။
အကုသိုလ်တွေက
နှလုံးသွင်းမမှန်မချင်း ရနေကြဦးမှာ ။
ဝဋ်တရားတွေက
မကုန်မချင်း ပေးဆပ်ကြရဦးမှာ ။
ကွေးကွင်းခြင်းတွေက
တွေ့ကြုံနေရသမျှ ခွဲကြရဦးမှာ ။
တမလွန်ဘဝတွေက
စွဲလန်းမှုမပြတ်မချင်း ဆက်နေရဦးမှာ ။
သူတော်ကောင်းတရားတွေက
ပျော်နေသမျှ ချော်နေကြဦးမှာ ။
နိဗ္ဗာန်ခရီးတွေက
မိုက်နေသမျှ လွဲနေကြရဦးမှာပါ ။
🙏🙏🙏 သာရ ဂ ဝေ သီ🙏🙏🙏
