အသက် ၁၅ နှစ်အရွယ်သာရှိသေးတဲ့ ပူတာအိုမြို့၊ ဒုတ္တန်ရပ်ကွက်မှာနေထိုင်သူ ရဝမ်အမျိုးသမီးငယ် မဒူနော် (မဂွမ်ရိန်ဒူနော်) ကို မုဒိမ်းကျင့်ပြီး ရက်စက်စွာသတ်ဖြတ်သွားတဲ့တရားခံအပေါ် ထိရောက်စွာအရေးယူပေးဖို သောင်းနဲ့ချီတဲ့ ပူတာအိုမြို့ခံပြည်သူတွေက ဒီကနေ့ မေလ ၁၃ ရက်မှာ ဆန္ဒပြတောင်းဆိုခဲ့ကြတယ်လို့ ဒေသခံတွေဆီက သိရပါတယ်။
အဆိုပါ အမျိုးသမီးငယ်ဟာ ပြီးခဲ့တဲ့ မေလ ၁၀ ရက်၊ ညနေ ၄ နာရီအချိန်ခန့်မှာ ဈေးဝယ်ဖို တစ်ဦးတည်းထွက်ခွာသွားစဥ်မှာ မုဒိမ်းကျင့် သတ်ဖြတ်ခံခဲ့ရတာလို သိရပြီး ခြေလက်အင်္ဂါတွေ ရိုက်ချိုးခံထားရတဲ့အပြင် လည်ပင်းလှီးခံထားရတဲ့ဒဏ်ရာတွေနဲ့ သေဆုံးနေတဲ့ သူ့ရဲ့ရုပ်အလောင်းကို ည ၁၁ နာရီခန့်မှာ ပြန်လည်တွေ့ရှိခဲ့တာလို ဆိုပါတယ်။
ဒီဖြစ်စဥ်နဲ့ပတ်သက်လို လူသားမဆန်တဲ့ ပြစ်မှုကျူးလွန်သူတရားခံတွေကို အမြန်ဆုံးဖော်ထုတ်ပေးဖို့နဲ့ ပြင်းထန်စွာ ပြစ်ဒဏ်စီရင်ပေးဖို့ Rvwang Alliance – RA လို့ အမည်ပေးထားတဲ့အဖွဲ့က တောင်းဆိုထားသလို အဲဒီသက်ငယ်မုဒိမ်းမှုနဲ့ပတ်သက်တဲ့ မှုခင်းဖြစ်စဉ်တွေ မှန်ကန်ရိုးသားမှုမရှိတာကိုတွေ့ရပါက နိုင်ငံတကာ ရဝမ်အမျိုးသားထုတစ်ရပ်လုံးက ငြိမ်ခံနေမှာမဟုတ်ဘူးလို့လည်း ယင်းအဖွဲ့က အသိပေးထားတယ်လို့လည်းသိရပါတယ်။ #Crd
