မန္တလေးတိုင်းဒေသကြီး၊ မတ္တရာမြို့နယ်တွင် ငွေကျပ် ၇ ဒသမ ၅ ဘီလီယံတန်ဖိုးရှိ စိတ်ကြွရူးသွပ်ဆေးပြား သိန်း ၅၀ ဖမ်းဆီးရမိခဲ့ကြောင်း သိရှိရပါတယ်။ နောင်ချိုမြို့မှ မန္တလေးတိုင်းဒေသကြီး၊ မတ္တရာမြို့သို့ ရေလမ်းကြောင်းအတိုင်း မီးသွေးအိတ်အတွင်း လျှို့ဝှက်သယ်ဆောင်လာသည့် မူးယစ်ဆေးဝါးများအား သတင်းအရ စောင့်ဆိုင်းစဉ် ဆည်တော်ကြီးဆည်အတွင်း စက်တပ်လှေအတွင်းမှ တရားခံ ၆ ဦးနှင့်အတူ မူးယစ်ဆေးဝါးများ သိမ်းဆည်းရမိခဲ့ပြီး စစ်ဆေးချက်များအရ ဆက်လက်ဖမ်းဆီးခဲ့ရာ သယ်ဆောင်ခိုင်းသူ ၂ ဦးတို့အား ဆက်လက်ဖမ်းဆီးရမိခဲ့ကြောင်း သိရှိရပါတယ်။
