ကိုင်းကူးကိုင်းဆက်ကိရိယာများနှင့် သိထားရမည့် ဝေါဟာရများ

အပင်များကို အမျိုးအစားအလိုက် ကိုင်းဖြတ်မျိုးပွားနည်းများ၊ မြေထုပ်စည်းမျိုးပွားနည်းများ၊ ကိုင်းကူးကိုင်းဆက်နည်းများနှင့် ယင်းလုပ်ငန်းဆောင်တာများ ဆောင်ရွက်ရာတွင် အရေးကြီးသည့် အချက်များကို သိရှိစေရန် ရည်ရွယ်ပါသည်။

ကိုင်းကူးကိုင်းဆက်မျိုးပွားရာတွင် အသုံးပြုသော ကိရိယာများ

ကိုင်းကူးကိုင်းဆက်ဓား

ကိုင်းဖြတ်ကတ်ကြေးနှင့် ကိုင်းဆက်ပလပ်စတစ် ကြိုးစ

ကိုင်းကူးကိုင်းဆက်မျိုးပွားရာတွင် သိထားရမည့် ဝေါဟာရအသုံးအနှုန်းများ

(က) အဖူးကိုင်း (Scion)

အဖူးကိုင်းဆိုသည်မှာ မိမိအလိုရှိသောမျိုး၏ အဖူးများပါဝင်နေသောကိုင်း ဖြစ်သည်။ အဖူးကိုင်းသည် ကျန်းမာသန်စွမ်းပြီး ရောဂါကင်းသောအပင်မှ ကိုင်းဖြစ်ရမည်။

(ခ) အောက်ခံပင် (Rootstock)

အောက်ခံပင်ဆိုသည်မှာ အမြစ်စဥ်အင်အား ကောင်းမွန်ပြီး ရောဂါပိုးမွှားဒဏ်ခံနိုင်ကသောအပင်ကို အောက်ခံအဖြစ်ထား၍ ကိုင်းကူးကိုင်းဆက်ရာ၌ အသုံးပြုသော အပင်ဖြစ်သည်။

(ဂ) အသားတိုးလွှာ (Cambium)

အသားတိုးလွှာဆိုသည်မှာ အပင်ဆဲလ်အသစ်များကွဲပွားရာနေရာဖြစ်ပြီး အစာကကြောနှင့် ရေကြောတို့၏ ကြားတွင်တည်ရှိသောအလွှာဖြစ်ပါသည်။

Crd#ရေဆင်းစိုက်ပျိုးရေးတက္ကသိုလ်

“အစိမ်းရောင်လမ်းမှ ကူးယူဖော်ပြပါသည်”