တမူးမြို့နယ်၊ ရေအေးကျေးရွာအနီးတွင် မတ်လ ၁၇ ရက်နေ့ မွန်းတည့် ၁၂ နာရီအချိန်၌ နွားကျောင်းနေသည့် ကလေးငယ်သုံးဦးက PDF အကြမ်းဖက်အဖွဲ့ထောင်ထားသည့် လက်လုပ်မိုင်းကို ဆော့စရာထင်မှတ်၍ ပစ်ပေါက်ကစားရာမှ ပေါက်ကွဲမှုဖြစ်ပွားသဖြင့် ကလေးငယ်သုံးဦးတွင် မိုင်းစထိမှန်ဒဏ်ရာများရခဲ့ကြောင်းသိရသည်။
တမူးမြိုနယ်၊ ရေအေးကျေးရွာနေသူများဖြစ်ကြသည့် မောင်ကမ်ဂိုမန် (၉) နှစ်၊ မောင်ဟင်ခိုလင် (၁၂) နှစ်နှင့် မောင်ကမ်မင့်စေး (၁၁) နှစ်တိုသည် ကျေးရွာ၏အနောက်ဘက် ၃ ဖာလုံခန့်အကွာရှိ ယူးချောင်းတံတားအနီးတွင် နွားကျောင်းနေစဉ် ချောင်းဘေးမှတွေ့ရှိသည့် အရှည် ၂ လက်မကျော်ခန့်ရှိ ကော်ပိုက်ဖြင့်ပြုလုပ်ထားသည့် အလုံး ၁ လုံးအား ဆော့ကစားရန် ယူဆောင်လာခဲ့ပြီး ကျေးရွာအလယ်ရှိရေတွင်းအနီးတွင် အဆိုပါကော်ပိုက်လုံးအား ပစ်ပေါက်ဆော့ကစားရာမှ ပေါက်ကွဲမှုဖြစ်ပွားခဲ့ပြီး ပေါက်ကွဲမှုကြောင့် မောင်ကမ်ဂိုမန်၊ မောင်ဟင်ခိုလင်နှင့် မောင်ကမ်မင့်စေးတို ၃ ဦးတွင် မိုင်းစထိမှန်ဒဏ်ရာများရရှိခဲ့သဖြင့်ဆေးကုသမှုခံယူနေရကြောင်းသိရပါတယ်။
