ဧရာဝတီတိုင်းဒေသကြီးဂုဏ်ဆောင်စပါးမျိုးဖြစ်သည့် ပုသိမ်ပေါ်ဆန်းမွှေးအား မူလမွှေးရနံ့နှင့်အရည်အသွေးများပြန်လည်ရရှိအောင် ပုသိမ်တက္ကသိုလ် စမ်းသပ်စိုက်ခင်း၌ သုတေသနပြုစမ်းသပ်စိုက်ပျိုးထားကြောင်း သိရသည်။ ထိုသို့စမ်းသပ်စိုက်ပျိုးထားမှုကို ယမန်နေ့နံနက်ပိုင်းက တိုင်းဒေသကြီးဝန်ကြီးချုပ် ဦးအေးကျော် သွားရောက်ကြည့်ရှုစစ်ဆေးရာ တာဝန်ရှိသူများက စမ်းသပ်စိုက်ခင်းတွင် ပေါ်ဆန်းရင်မျိုးစပါးကို အသုံးပြုစိုက်ပျိုးထားရှိပြီး မြေအချဉ်ဓာတ်လျှော့ချကာ pH တန်ဖိုး မြင့်တက်စေရန် ဒိုလိုမိုက်ထည့်သွင်းခြင်းနှင့် ပိုက်ဆံလျှော်မျိုးစေ့ကြဲပက်ခြင်းတို့ကို ဆောင်ရွက်ထားရှိမှု၊ သဘာဝမြေဩဇာများအသုံးပြု၍ သီးနှံပင်၏သဘာဝအတိုင်းရောဂါပိုးမွှားဒဏ် ခံနိုင်ရည်ရှိစေရေးကို အလေးထားဆောင်ရွက်ထားရှိမှု၊ ထူးခြားချက်အနေဖြင့် အကျိုးပြု အဏုဇီဝသက်ရှိများနှင့် Nano (နာနို)နည်းပညာတို့ကို…