ရှမ်းပြည်နယ်၊ တာချီလိတ်မြို့တွင် ကော်ဖီသောက်ပြီး ဘုန်းကြီးတပါးအပါအ၀င် လူ ၅ဦး သတိလစ်မေ့မျောသွားခဲ့ကြောင်း ဦးလှမိုး (တာချီလိတ်)လူမှုကူညီရေးအသင်းမှ သိရသည်။
ဖြစ်စဉ်မှာ အောက်တိုဘာ ၁၇ ရက် ၇ နာရီအချိန်ခန့်က တာချီလိတ်မြို့၊ ကျောက်တောင်ရပ်၊ နတ်မောက်ရွှေသဌေးကုန်း
ကျောင်းတိုက်တွင် ကော်ဖီသောက်ပြီး ခဏအကြာတွင် ဘုန်းကြီးတပါးနှင့် လူ ၄ဦး သတိလစ်မှုဖြစ်ပွားခဲ့ခြင်းဖြစ်သည်။
ကောဖီသောက်ပြီး သတိလစ်သွားသူများမှာ အဆိုပါ ကျောင်းတိုက်မှ ဆရာတော် ဥူးကေလာသ သက်တော်(၅၄)နှစ်၊ ဦးပြုံးမောင် အသက်(၅၃)နှစ်၊ကိုနှင်းသန့်အောင် အသက်(၃၂)နှစ်၊ ကိုရဲကိုမျိုး (၁၉)နှစ်၊ကိုထိန်လင်ဦး အသက်(၂၇)နှစ်တို့ဖြစ်ပြီး ၎င်းတို့၅ဦးကို ဆေးဝါးကုသမှုခံယူရန်အတွက် ဦးလှမိုး (တာချီလိတ်)လူမှုကူညီရေးအသင်းမှ တာချီလိတ် ပြည်သူ့ဆေးရုံးကြီးသို့ပို့ဆောင်ပေးခဲ့။
