ရန်ကုန်မြို့အတွင်း ပြေးဆွဲနေသည့် YBS ယာဥ်များအနေဖြင့် မီးသတ်ဆေးဘူးများ တပ်ဆင်ထားခြင်းမရှိပါက အရေးယူဆောင်ရွက်မည်ဖြစ်ကြောင်းရန်ကုန်တိုင်းဒေသကြီးပုဂ္ဂလိကသယ်ယူပို့ဆောင်ရေးကြီးကြပ်မှုကော်မတီ YRTC က အသိပေးထားသည်။
အဆိုပါ YBS ယာဥ်များပေါ်၌ မီးသတ်ဆေးဘူးများ ထားရှိရန် ညွှန်ကြားထားပြီးဖြစ်သဖြင့် ယာဥ်စည်းကမ်းထိန်းသိမ်းရေးအဖွဲ့မျမှ လိုက်လံစစ်ဆေးသည့်အခါ ယာဉ်ပေါ်တွင် မီးသတ်ဆေးဘူးမပါရှိပါက ချက်ချင်းဝယ်ယူတပ်ဆင်ခိုင်းခြင်း၊ ဒါဏ်ငွေရိုက်ခြင်းနှင့် မီးသတ်ဆေးဘူး တပ်ဆင်မပြီးမချင်း ယာဉ်မထွက်ခွင့်မပြုခြင်း စသည့် အရေးယူမှုများကို ဆောင်ရွက်သွားမည်ဟုဆိုသည်။
ထို့ပြင် YBS ယာဉ်များတွင် အသင့်အသုံးပြုနိုင်သော အရန်ဘီး၊ ပြုပြင်မှုတန်ဆာပလာ၊ အရေးပေါ်ထွက်ပေါက်၊မှန်ခွဲရန်တူ သို့မဟုတ် ပုဆိန်၊ ရှေးဦးသူနာပြုဆေးသေတ္တာ စသည့်အရာများ စီစဉ်ထားရှိရန်လည်းသက်ဆိုင်ရာတာဝန်ရှိသူများက အသိပညာပေးလုပ်ငန်းများဆောင်ရွက်လျက်ရှိကြောင်း သိရသည်။
𝙈𝙃𝙏𝙉𝙀𝙒𝙎
