“ဘင်္ဂလားပင်လယ်အော်ဒေသ၏ စားနပ်ရိက္ခာဖူလုံရေးနှင့် Value Chain တိုတွင် မြန်မာနိုင်ငံမှ ဖြည့်ဆည်း ပံ့ပိုးနိုင်မည့်အနေအထားများကို အိန္ဒိယနိုင်ငံဆိုင်ရာ မြန်မာသံအမတ်ကြီး ဆွေးနွေးပြောကြား”
အိန္ဒိယနိုင်ငံ၊ အနောက်ဘန်ဂေါပြည်နယ်၊ ကော်လ်ကတ္တားမြို့၌ အိန္ဒိယပြည်ပရေးရာဝန်ကြီးဌာန နှင့် အိန္ဒိယနိုင်ငံ၊ Institute of Social and Cultural Studies (ISCS) တိုမှ ပူးပေါင်း စီစဉ် ကျင်းပသည့် ဒုတိယအကြိမ် ISCS BIMSTEC ကွန်ဖရင့်ကို မတ်လ ၂၅ ရက်တွင် ကျင်းပခဲ့ရာ အိန္ဒိယနိုင်ငံဆိုင်ရာ မြန်မာသံအမတ်ကြီး ဦးမိုးကျော်အောင် တက်ရောက်၍ “BIMSTEC အဖွဲဝင်နိုင်ငံများအကြား စားနပ်ရိက္ခာဖူလုံရေးနှင့် Value Chain အခြေအနေ သုံးသပ်ခြင်းဆိုင်ရာအထူးဆွေးနွေးပွဲ” ၌ Keynote Speaker အဖြစ် မိန့်ခွန်းပြောကြားခဲ့သည်ဟု သိရသည်။
