သူ့အမည်က ဗိုလ်ကြီး သူရ ခွာလျံမန်း
ဗိုလ်ကြီး သူရ ခွာလျံမန်းကို ၃-၁၂-၁၉၆၆ ရက်တွင် လှည်းကူးမြို့နယ်၊ ရန်ကုန်တိုင်းဒေသကြီး၌ မွေးဖွားခဲ့ပါသည်။ စစ်တက္ကသိုလ် ဗိုလ်လောင်း သင်တန်း အမှတ်စဉ်(၃၁)တွင် သင်တန်းတက်ရောက်ခဲ့ပြီးနောက် တပ်စုမှူး၊ လုံခြုံရေးတပ်စုမှူးနှင့် စစ်ဦးစီးမှူး(တတိယတန်း)တာဝန်များကို ခြေလျင်/ခြေမြန်၊ တပ်ရင်း/တပ်ဖွဲ့များနှင့် တိုင်းစစ်ဌာနချုပ်များတွင် တာဝန်ထမ်းဆောင်ခဲ့ပါသည်။
ဗိုလ်ကြီးခွာလျံမန်းသည် ခမရ(၁၀)တွင် လုံခြုံရေးတပ်စုမှူးတာဝန် ထမ်းဆောင်စဉ် ၁၄-၃-၁၉၉၂ ရက်၌ ပွိုင့် ၄၀၄၄ အနောက်ဘက်တောင်ခြေရန်သူ့အခြေပြုနေရာ လိပ်ကျောကုန်း (အိပ်ခ်ျ——-) ရန်သူ့နေရာအား ဗိုလ်ကြီး ခွာလျံမန်းဦးစီး လက်ရွေးစင်တပ်စုဖြင့် ရန်သူများ အဆက်မပြတ်ပစ်ခတ် နေသည့်ကြားမှ မိမိအသက်ကိုပဓာနမထားဘဲ အထက်က ပေးအပ်သည့်တာဝန်ကို ကျေပွန်စွာဖြင့် ရည်မှန်းချက်နေရာအား မဆုတ်မနစ်သောဇွဲဖြင့် လက်နက်ကြီး ပစ်ကူပစ်ရယူ၍ အဆင့်ဆင့်သိမ်းပိုက်နိုင်ခဲ့ကာ ဗိုလ်အဆင့်မှဗိုလ်ကြီးအဆင့်ဖြင့် စစ်မြေပြင်ရာထူးတိုးရရှိခဲ့ပြီး နိုင်ငံတော်မှ သူရဘွဲ့အား ထိုက်တန်စွာချီးမြှင့်ခဲ့ပါသည်။
၁၉၉၆ ခုနှစ်တွင် တပ်မတော်မှ မသန်စွမ်းဖြင့် အငြိမ်းစားယူခဲ့ပါသည်။
(အကျဉ်းမျှသာ ကောက်နုတ်ဖော်ပြခြင်း ဖြစ်ပါတယ်)
တိုက်ပွဲသတင်းစုံ
