လက်ရှိအထိ လူပေါင်း ၅၀ နီးပါး သေဆုံးခဲ့တဲ့ ဘန်ကောက်မြို့က ဆောက်လုပ်ဆဲ အထပ်မြင့်တိုက်ပြိုကျမှုအတွက် တရုတ်ကုမ္ပဏီတစ်ခုရဲ့ ဆောက်လုပ်ရေးတာဝန်ခံ တရုတ်အမျိုးသားကို ထိုင်းအာဏာပိုင်တွေက ဖမ်းဆီးလိုက်တယ်လို့ သိရပါတယ်။
ထိုင်းဆောက်လုပ်ရေး ကုမ္ပဏီကြီးတစ်ခုနဲ့ တရုတ်အစိုးရပိုင်ကုမ္ပဏီရဲ့ ပြည်တွင်းလုပ်ငန်းခွဲတစ်ခုတို့အကြား ဖက်စပ်တည်ဆောက်နေတဲ့ အဲဒီ အထပ်မြင့်တိုက်ဟာ ပြီးခဲ့တဲ့ မတ် ၂၈ ရက်နေ့က မြန်မာနိုင်ငံအလယ်ပိုင်းကို ဗဟိုပြုလှုပ်ခတ်ခဲ့တဲ့ အင်အားပြင်းမြေငလျင်ကြောင့် ပြိုကျပျက်စီးသွားခဲ့တာဖြစ်ပြီး ယင်းဖြစ်စဥ်ကြောင့် မြန်မာနိုင်ငံသားတွေအပါအဝင် လူ ၄၇ ယောက်သေဆုံးခဲ့တဲ့အပြင် ၄၀ ကျော် ပျောက်ဆုံးနေဆဲဖြစ်ပါတယ်။
ယခု ဖမ်းမိခဲ့တဲ့ တရုတ်အမျိုးသားဟာ တရုတ်ကုမ္ပဏီကို လည်ပတ်ဖို့အတွက် ထိုင်းနိုင်ငံသားတွေရဲ့ အမည်တွေကို တရားမဝင်အသုံးပြုမှုတွေလည်းရှိတယ်လို့ ထိုင်းရဲတွေက ပြောဆိုထားသလို တိုက်ပြိုကျမှုကိုဖြစ်စေတဲ့ တရားမဝင်လုပ်ဆောင်မှုတွေရှိမရှိ စုံစမ်းစစ်ဆေးသွားမယ်လို့လည်း သိရပါတယ်။
MHTNEWS
