အောက်တိုဘာ ၂၅ ရက်နေ့မှုခင်းသတင်းများ

-အောက်တိုဘာ ၂၄ ရက် ၀၉၀၀ နာရီတွင် မြင်းခြံမြို့နယ်၊ ကူရွာကျေးရွာနေ ဒေါ်ပြုံးကြည်(၅၆)နှစ်သည် နေအိမ်၌ ရှိနေစဉ် အကြမ်းဖက် PDF ကျား ၆ ဦးမှ ဆိုင်ကယ် ၃ စီးဖြင့် ရောက်ရှိလာပြီး ဒေါ်ပြုံးကြည်အား သတ်ဖြတ်သွားခဲ့ရာ ဒေါ်ပြုံးကြည်တွင်  နောက်ကျော၊ ယာလက်ပြင်၊ ယာရင်အုံ ကျည်ဖောက်ဝင်၊ ယာရင်အုံထိုးသွင်း၊ ယာလက်ဖျံ ပြတ်ရှဒဏ်ရာများဖြင့် သေဆုံးခဲ့ကြောင်း သိရှိရ။

-အောက်တိုဘာ ၂၄ ရက် ၀၈၀၀ နာရီတွင် ပွင့်ဖြူမြို့နယ်၊ မဲဇလီကျေးရွာနေ ကျေးရွာမီးလင်းရေးအဖွဲ့မှ ဦးသောင်းရွှေ ပါ ၄ ဦးသည် ညောင်ပင်ဝိုင်းကျေးရွာ ဘုန်းကြီးကျောင်းကထိန်မှ ယာဉ်အမှတ်၊ MDY-13/1695 HIJET(အဖြူရောင်) ယာဉ်ဖြင့် ပြန်လာစဉ် ညောင်ပင်ဝိုင်းကျေးရွာ (အမက)ကျောင်းရှေ့ အရောက်၌ လက်နက်ငယ်များ ကိုင်ဆောင်ထားသော အကြမ်းဖက် PDF ကျား ၆ ဦးမှ ယာဉ်အားရပ်တန့်ခိုင်းပြီး ဦးသောင်းရွှေ(၅၅)နှစ် ထံမှ မီတာခ ကောက်ခံရရှိငွေ ၃၇ သိန်းကျပ်၊ ဆန်ဖိုးငွေ ၆၇၅,၀၀၀ ကျပ်၊ Samsung ဖုန်း ၁ လုံး၊ ဦးတင်မောင်ကြည်(၅၇)နှစ်၊ ပညာရေး(ငြိမ်း) ထံမှ Samsung ဖုန်း ၁ လုံး၊ ဦးအောင်ချိုသန်း(၅၉)နှစ်၊ ယာဉ်မောင်း ထံမှ နိုင်/ကတ်၊ ယာဉ်မောင်းလိုင်စင်၊ Redmi ဖုန်း၁ လုံးတို့အား ယူဆောင်သွားကြောင်း သိရှိရ။

-အောက်တိုဘာ ၂၄ ရက် ၁၉၀၀ နာရီတွင် မင်းဘူးမြို့နယ်၊ ကသက်ကျေးရွာနေ ဦးအေးလှိုင်(၆၅)နှစ်သည် နေအိမ်၌ ရှိနေစဉ် အကြမ်းဖက် PDF ကျား ၃ ဦးမှ ဆိုင်ကယ် ၂ စီးဖြင့် ရောက်ရှိလာပြီး သေနတ်ဖြင့် ပစ်ခတ်သတ်ဖြတ်၍ ထွက်ပြေးသွား ခဲ့ရာ ဦးအေးလှိုင်တွင်  ဦးခေါင်းကျည်ဖောက်ဝင်ဒဏ်ရာများဖြင့် သေဆုံးခဲ့ကြောင်း သိရှိရ။